كورسەتكىشتىڭ جاقسارۋىنا «قازاقتەلەكوم» كومپانيالار توبىنىڭ مۇشەسى Tele2/Altel وپەراتورلارى ۇلكەن ۇلەس قوستى. ءۇش جىل بويى ول ءوزىنىڭ كوشباسشىلىعىن ساقتاپ كەلەدى جانە Ookla (Speedtest قوسىمشاسىن جاساۋشىلار) ءموبيلدى ينتەرنەت جىلدامدىعى بويىنشا ۇزدىك دەپ تانىدى.
بۇگىندە قازاقستانداعى ءاربىر سمارتفون يەسى كۇنىنە كەمىندە 5 ساعاتىن ينتەرنەتتە وتكىزەدى. ابونەنتتەردىڭ مۇنداي بەلسەندىلىگى تۇراقتى تۇردە بازالىق ستانتسيالاردى جاڭارتۋعا جانە ولاردىڭ جابدىقتارىندا جۇمىس ىستەۋگە قاراجات بولەتىن ۇيالى بايلانىس وپەراتورلارىنىڭ جەلىلەرىنە جۇكتەمەنىڭ ۇلعايۋىنا اكەپ سوعادى. ينفراقۇرىلىمعا سالىنعان ينۆەستيتسيا ارقىلى Tele2/Altel رەكوردتىق جەلى وتكىزۋ قابىلەتىنە قول جەتكىزدى.
«تەلەكوم – كاپيتالدى ينۆەستيتسيا بويىنشا وتە قارقىندى سالا. مۇندا تۇسكەن پايدادان جاڭا جوبالار مەن قىزمەتتەردى ىسكە قوسۋعا, جاڭا بۋىن تەحنولوگيالاردى ەنگىزۋگە جانە جوعارى ساپالى كوممۋنيكاتسيالاردى تۇراقتى قامتاماسىز ەتۋگە ۇنەمى قايتا ينۆەستيتسيالاۋ قاجەت», دەدى Tele2/Altel باس ديرەكتورى سەرگەي كونكوۆ.
قازاقستان ازاماتتارىن 5G تەحنولوگياسىمەن قامتاماسىز ەتۋ ءۇشىن جاڭا ستانتسيالاردى سالۋ, سونداي-اق ابونەنتتەرگە 4G/LTE فورماتىندا قوڭىراۋ شالۋعا جانە ءبىر ۋاقىتتا جىلدامدىقتى جوعالتپاي ينتەرنەتتى پايدالانۋعا مۇمكىندىك بەرەتىن VoLTE (Voice over LTE) جۇيەسىن ەنگىزۋ سياقتى باستامالار دا ينۆەستيتسيانى قاجەت ەتەدى.
CEO Tele2/Altel باس ديرەكتورىنىڭ ايتۋىنشا, تابىستىڭ 15-20%-ى جىل سايىن سالىستىرمالى تۇردە تەك ينفراقۇرىلىمعا جۇمسالادى. بۇل رەتتە وپەراتور قىزمەتتەردىڭ تومەن قۇنىن ساقتايدى جانە ءبىر جاعىنان پايدانى نارىق مۇمكىندىكتەرىمەن شەكتەيدى, ال ەكىنشى جاعىنان ونى ينۆەستيتسيالاردىڭ تيىمدىلىگىن ارتتىرۋعا ءماجبۇر ەتەدى. سونىمەن قاتار, كومپانيا «250+» باعدارلاماسى بويىنشا بەرىلىس جەلىسىن وزگەرتۋ ارقىلى اۋىلداردا بايلانىس ساپاسىن ارتتىرىپ, جوعارى جىلدامدىقتى ينتەرنەتكە قولجەتىمدىلىكتى قامتاماسىز ەتۋدى جالعاستىرىپ جاتىر. قازىر Tele2/Altel باسقا وپەراتورلار اراسىندا ءموبيلدى ينتەرنەت جىلدامدىعى بويىنشا كوشباسشىلىقتى ساقتاۋعا, 4G (LTE) تەحنولوگياسىن دامىتۋدى كوزدەپ, 5G ەنگىزۋ بويىنشا بەلسەندى جۇمىس جۇرگىزۋدە.
ارۋجان ناعاشىباي,
ل.ن.گۋميلەۆ اتىنداعى ەۇۋ ستۋدەنتى
