كونكۋرس «جالپىعا ورتاق ەڭبەك قوعامى» ۇرانىمەن ەڭبەك ادامىنىڭ قوعامداعى بەدەلىن ارتتىرۋعا جانە ءونىمدى ەڭبەكتى ىنتالاندىرۋعا ىقپال ەتەدى.
كونكۋرسقا كاسىپورىننىڭ (سالاسىنا قاراماستان) بارلىق جۇمىسكەرلەرى قاتىسا الادى. كونكۋرس 3 نوميناتسيادان تۇرادى:
- «ۇزدىك ەڭبەك اۋلەتى» – ەڭبەك ءوتىلى ەڭ ۇزاق, ماراپاتتارى ەڭ كوپەڭ كوپ ساندى اۋلەت تاڭدالادى.
- ء«وندىرىستىڭ ۇزدىك جاس مامانى» – جۇمىس ءوتىلى 5 جىلدان اسپايتىن, ەڭ بەلسەندى جانە ەڭبەكقور ءوندىرىس جۇمىسكەرى تاڭدالادى;
- «جۇمىس ىستەيتىن جاستاردىڭ ۇزدىك تالىمگەرى» – جۇمىس ءوتىلى كەمىندە 20 جىل, جوعارى ءتيىمدى جۇمىس ىستەيتىن تالىمگەر تاڭدالادى.
كونكۋرس 2 كەزەڭ بويىنشا وتەدى:
- وبلىستىق دەڭگەيدە «ەڭبەك جولى» كونكۋرسى جەڭىمپازدارىن ىرىكتەۋ.
- رەسپۋبليكالىق دەڭگەيدە «ەڭبەك جولى» كونكۋرسى جەڭىمپازدارىن ىرىكتەۋ.
كونكۋرسقا قاتىسۋ ءۇشىن كەلەسى قۇجاتتار ۇسىنىلادى:
- نوميناتسيا كورسەتىلگەن, ەركىن نىسانداعى كونكۋرسقا قاتىسۋ تۋرالى ءوتىنىم;
- جەكە كۋالىكتىڭ كوشىرمەسى;
- نوميناتسيا تاقىرىبى بويىنشا 1-2 مينۋتتان اسپايتىن بەينەروليك (قالاۋى بويىنشا جۇمىس ورنى جانە داعدىلارى كورسەتىلگەن);
- كونكۋرسانت تۋرالى (جۇمىسى, وتباسى, قىزىعاتىن ءىسى, ءحوببيى جانە ت.ب., 1 مينۋتتىك كومپيۋتەرلىك پرەزەنتاتسيا (Microsoft Power Point فورماتىندا);
- ەڭبەك اۋلەتىنىڭ ءار وكىلىنىڭ نەمەسە جۇمىسكەردىڭ جۇمىس ءوتىلىن راستايتىن, جۇمىس بەرۋشى كۋالاندىرعان ەڭبەك كىتاپشاسىنىڭ جانە وزگە دە قۇجاتتاردىڭ كوشىرمەلەرى/جۇمىس ورنىنان انىقتاما;
- جۇمىس بەرۋشى نەمەسە كاسىپوداق بەرگەن ۇسىنىمدىق حات.
بار بولسا (مىناداي قۇجاتتاردىڭ كوشىرمەلەرى):
- مەملەكەتتىك نەمەسە ۆەدومستۆولىق ناگرادالاردىڭ, ماداقتاۋ قاعازدارىنىڭ, العىس حاتتاردىڭ كوشىرمەلەرى;
- بىلىكتىلىكتى ارتتىرۋ تۋرالى كۋالىكتەر (بار بولسا).
بارلىق قۇجاتتار مەملەكەتتىك نەمەسە ورىس تىلىندە ۇسىنىلادى.
وتىنىمدەردى قابىلداۋ 2023 جىلدىڭ 1 مامىرىنان باستاپ 15 شىلدەگە دەيىن جۇرگىزىلەدى.
