«قايرات» كلۋبىنىڭ جارتىلاي قورعاۋشىسى ارسەن بۋرانچيەۆ فۋتبولدان قازاقستان چەمپيوناتىنىڭ توعىزىنشى تۋرىندا «اقتوبە» كومانداسىنا قارسى وتكەن ويىندا اۋىر جاراقات الدى. ويىننىڭ باسىندا ول ەلدەر سانتانامەن دوپقا تالاسقان كەزدە سوقتىعىسىپ, ەسىنەن تانىپ قالدى.
كلۋبتىڭ ءباسپاسوز قىزمەتىنىڭ مالىمەتىنشە, بۋرانچيەۆ ەسىن جيدى. ويىنشى دارىگەرلەردىڭ باقىلاۋىندا بولادى.
سونىمەن قاتار كلۋبتىڭ شەشىمى بويىنشا «قايرات-اتىراۋ» قازاقستان كۋبوگىنىڭ 1/4 فينالىنا ساتىلعان بيلەتتەردەن تۇسكەن قاراجات ارسەنگە جانە ونىڭ وتباسىنا اۋدارىلادى.
