جۇلدە قورى 7 705 780 ەۋرونى قۇرايتىن ءتۋرنيردى ەكىنشى اينالىمنان باستاعان ە.رىباكينا بۇل كەزەڭدە الەمنىڭ 65-راكەتكاسى يتاليالىق ياسمين پاولينيمەن شەبەرلىك بايقاستى. ءبىر جارىم ساعاتقا جالعاسقان باسەكەدە جەرلەسىمىز ەكى سەتتە باسىم ءتۇستى. ءبىرىنشى پارتيادا رىباكينا تاي-برەيكتە باسىم تۇسسە (7:6 (7:4)), ەكىنشى سەتتە قارسىلاسىنا تەك ءبىر گەيمدە عانا جول بەرىپ, 6:1 ەسەبىمەن جەڭىسكە جەتتى. كەشە ەلەنا رىباكينا ءۇشىنشى اينالىمدا رەسەيلىك اننا كالينسكايامەن كەزدەستى.
ال الەمدىك رەيتينگتە 49-ورىنعا جايعاسقان الەكساندر بۋبليك ەكىنشى اينالىمدا الەمنىڭ 35-راكەتكاسى, 20 جاستاعى امەريكالىق بەن شەلتونمەن سايىسقا ءتۇستى. ءبىرىنشى پارتيادا بۋبليك 6:4 ەسەبىمەن باسىمدىق تانىتقان بولسا, ەكىنشى سەتتە امەريكالىق تەننيسشى قوس برەيك جاساپ, قارىمتا قايتاردى – 6:1. ءۇشىنشى, شەشۋشى پارتيادا بۋبليك ەكى برەيكپەن قارسىلاسىنان جەڭىستى ج ۇلىپ الدى – 6:2. ا.بۋبليك ءتورتىنشى اينالىمعا شىعۋ ءۇشىن كەشە الەمنىڭ 4-راكەتكاسى نورۆەگيالىق كاسپەر رۋدكە قارسى وينادى.
