ەلىمىزدە مەملەكەت باسشىسىنىڭ تاپسىرماسى بويىنشا جاڭا قالا قۇرىلىسى كودەكسى ازىرلەنىپ جاتقانى بەلگىلءى. وسى رەتتە قۇرىلىس سالاسى ۇلتتىق ەكونوميكانىڭ جۇيە قۇراۋشى سەكتورى سانالاتىنىن اتاپ وتكەن ءجون. قازىر قازاقستانداعى ساۋلەت-قۇرىلىس قىزمەتى 2,5 مىڭنان استام قۇجاتپەن رەتتەلىپ كەلەدى.
«بۇگىندە ساۋلەت, قالا قۇرىلىسى جانە تۇتاستاي قۇرىلىس سالاسى كوپتەگەن زاڭنامالىق جانە زاڭعا تاۋەءلدى اكتىمەن جۇمىس ىستەپ جاتقانى ءمالىم. بۇل ورايدا جوعارىدا اتالعان كودەكستى قابىلداۋ ارقىلى قۇرىلىس باعىتىنداعى كوكەيكەستى ماسەلەلەر شەشىلىپ, ورنىقتى زاڭنىڭ كۇشىمەن سالانى تۇراقتى دامىتۋعا جول اشىلادى», دەدى ا.يدىرىسوۆ.
سونىمەن قاتار جەكەلەگەن ماسەلەلەر ازاماتتىق, ەكولوگيالىق, ورمان, سۋ جانە جەر قاتىناستارى تۋرالى زاڭ نورمالارىمەن رەتتەلەتىنىن ايتا كەتەيىك.
«جەردى وڭتايلى پايدالانۋدان بولەك قالا قۇرىلىسى قىزمەتىن قۇقىقتىق تۇرعىدا رەتتەۋدىڭ ماڭىزدى اسپەكتىسى كەشەندى جانە ءتيىمدى اۋماقتىق جوسپارلاۋ, ءتۇرلى شەكتەۋلەر مەن اكىمشىلىك كەدەرگىلەردى جويۋعا ىقپال ەتۋ سانالادى. نەگە دەسەڭىز, ول تۇرعىن ءۇي قۇرىلىسىنىڭ باعاسىنا دا اسەر ەتەدى. وسىعان بايلانىستى قالالىق قۇرىلىستىڭ پروتسەسىن قۇقىقتىق رەتتەۋدىڭ تىڭ تاسىلدەرى مەن تەتىكتەرى قاجەت», دەدى ۆيتسە-مينيستر.
سونداي-اق وسى كودەكستى قابىلداۋ ارقىلى ساۋلەت, قالا قۇرىلىسى جانە تۇتاستاي قۇرىلىس سالاسىن ۇدەمەلى دامىتىپ, ونى ساپالى جاڭا دەڭگەيگە شىعارۋ ءۇشىن ءتۇيىندى ماڭىزدى ماسەلەلەردىڭ شەشىمىن تاۋىپ, اتالعان سالانى جولعا قويۋ كوزدەلىپ وتىر.
