توپتىق جاتتىعۋلارداعى جارىسقا 2008 جىلى تۋعان ءبىر گيمناستتان عانا جىبەرىلەدى. سپارتاكياداعا قازاقستان قۇراما كوماندالارىنىڭ كوشباسشىلارى, سونىڭ ىشىندە ايبوتا ەرسايقىزى, ەلجان تانيەۆ, ەرىك جايلاۋوۆ, ميلان پارفيلوۆا قاتىسادى.
كوپسايىس فينالىنا جەكە باعدارلامادا ەڭ جوعارى ناتيجە كورسەتكەن كوماندالار قۇرامىنان 15 سپورتشى جىبەرىلەدى. كوپسايىس فينالىنىڭ جەڭىمپازى ەڭ جوعارى بالل سوماسى بويىنشا انىقتالادى.
جەكە باعدارلامادا كوپسايىستىڭ جەكەلەگەن تۇرلەرىندە فينالعا كوپسايىستىڭ ءاربىر تۇرىندە ەڭ جوعارى ناتيجە كورسەتكەن كوماندالار قۇرامىنان 8 سپورتشى جىبەرىلەدى. توپتىق جاتتىعۋلارداعى كوپسايىسقا – بىلىكتىلىگى جوعارى ايماقتان ءبىر كوماندا قاتىسادى.
ءتۋرنيردىڭ رەسمي اشىلۋ ءراسىمى 17 مامىر كۇنى ساعات 12:00-دە Qazaqstan سك جەڭىلاتلەتيكالىق كەشەنىندە وتەدى.
جارىستىڭ ۇيىمداستىرۋشىلارى – قازاقستان رەسپۋبليكاسى مادەنيەت جانە سپورت مينيسترلىگىنىڭ سپورت جانە دەنە شىنىقتىرۋ ىستەرى كوميتەتى جانە استانا اكىمدىگى.
ءىس-شارانىڭ ماقساتى – حالىقتى دەنە شىنىقتىرۋ جانە سپورتپەن جۇيەلى تۇردە اينالىسۋعا تارتۋ, سپورتتى وسكەلەڭ ۇرپاق اراسىندا تانىمال ەتۋ.
