«بىزدە ەكىنشى دەڭگەيلى بانك اتانعىسى كەلەتىن ەكى ءىرى ميكروقارجىلىق ۇيىم بار. ولار – KMF جانە Solva. ولاردىڭ پورتفەلى جانە كاپيتال جەتكىلىكتىلىك مولشەرى بانككە اينالۋعا مۇمكىندىك بەرەدى. بىلتىر ءتيىستى زاڭنامالىق تۇزەتۋلەر جاسالدى. سونىڭ ارقاسىندا ميكروقارجىلىق ۇيىمنىڭ اۋەلى ليتسەنزياسىن تاپسىرىپ, سوسىن بارىپ بانك ليتسەنزياسىن الۋعا ءوتىنىم بەرەتىن تالاپ جويىلدى», دەدى.
ابىلقاسىموۆا جاڭا بانكتەردىڭ اشىلۋىنا قاتىستى تالاپتاردى جەڭىلدەتۋ ءۇشىن بانك جۇيەسى تۋرالى زاڭعا تۇزەتۋلەردى ازىرلەپ وتىرعاندارىن دا مالىمدەدى.
«وسى تۇزەتۋلەر قابىلدانعاننان كەيىن ەكىنشى دەڭگەيلى بانك اشۋعا دەگەن نيەتتىلەر كوبەيەدى دەپ ۇمىتتەنەمىز», دەدى اگەنتتىك باسشىسى.
اگەنتتىك توراعاسى وتاندىق بانكتەرگە قاتىستى قايتالاما سانكتسيا تۋرالى ساۋالعا دا جاۋاپ بەردى. ونىڭ ايتۋىنشا, ءبىزدىڭ قارجى ينستيتۋتتارى انتيرەسەيلىك سانكتسيالاردى بۇزىپ وتىرعان جوق.
ء«وز تاراپىمىزدان بانك جۇيەسىندە ونداي قاتەلىكتەردىڭ بولماۋى ءۇشىن بارلىق شارانى قابىلدايمىز. مىندەتىمىز – وتاندىق بانكتەرگە قانداي دا ءبىر قايتالاما سانكتسيالاردىڭ سالىنۋىنا جول بەرمەۋ. شەتەلدىك رەتتەۋشىلەر ەنگىزگەن سانكتسياعا سايكەس بولۋ ءۇشىن قازىر بارلىق بانك وزدەرىنىڭ كومپلاەنس جۇيەسىن قاتاڭداتتى. سونىمەن قاتار زاڭنامالىق دەڭگەيدە بانكتەر ءۇشىن كليەنتتەردىڭ بەلگىلى ءبىر ستاندارتتاردى ساقتاۋىنا قاتىستى مىندەتتى تالاپ بەكىتىلدى. بۇل اقشا اۋدارىمى, ترانسشەكارالىق تولەمدەردى جۇزەگە اسىرۋعا بايلانىستى. نەگىزىنەن, كليەنتتەردى, سوڭعى بەنەفيتسيار يەلەرىن تەكسەرۋ, مونيتورينگ جانە كليەنتتەر وپەراتسيالارىن زەردەلەۋ جۇرگىزىلەدى. ءوز تاراپىمىزدان بارلىق قاجەتتى نورماتيۆتىك-قۇقىقتىق بازانى, تاۋەكەلدەردى باسقارۋ جۇيەسىنە قاتىستى تالاپتاردى بەكىتتىك. ول تالاپتار تەك بانك سەكتورىنا عانا ەمەس, قارجى نارىعىنىڭ بارلىق سالالارىنا – ساقتاندىرۋ, باعالى قاعازدار جانە ميكروقارجى ۇيىمدارىنا دا ارنالعان», دەدى م.ابىلقاسىموۆا.
سونىمەن قاتار ول 2022 جىلى رەسەيلىكتەردىڭ ءبىزدىڭ بانكتەردەن 500 مىڭنان استام شوت اشقانىن دا حابارلادى. ونىڭ سوزىنشە ەكىنشى دەڭگەيلى بانكتەر شوت اشا وتىرىپ, بارلىق ءتيىستى تەكسەرۋلەردى جۇرگىزگەن. قازىر بەس بانك – Halyk Bank, «بانك تسەنتركرەديت», بانك ۆتب (كازاقستان), Freedom Bank جانە Bereke Bank وتاندىق جانە رەسەيلىك ازاماتتاردىڭ «مير» كارتاسىنا قىزمەت كورسەتەدى. ايتۋىنشا, اقش قارجى مينيسترلىگى دەلەگاتسياسى تاراپىنان «مير» تولەم جۇيەسىن پايدالانۋعا قاتىستى ەشقانداي شەكتەۋ بولماعان.
