اكىمشىلىك پوليتسيا باسقارماسىنىڭ باستىعى الماس تاستانبەكوۆتىڭ ايتۋىنشا, وڭىردە شەتەلدىك كولىكتەردى زاڭداستىرۋعا 14 306 ازامات ءوتىنىش بەرگەن.
بۇگىندە 8165 ازاماتتىڭ كولىگى تىركەلدى. ال 1918 اۆتوكولىك يەسىنىڭ قۇجاتتارى كەرى قايتارىلىپتى.
دەپارتامەنت دەرەكتەرىنە سايكەس, تىركەۋگە ۇسىنىلعان كولىكتەردىڭ باسىم بولىگى رەسەي فەدەراتسياسىنان اكەلىنگەن. ودان كەيىنگى ورىندا ارمەنيا, قىرعىزستان, گرۋزيا, وڭتۇستىك كورەيا, لاتۆيا كولىكتەرى تۇر.
«شەتەلدەن اكەلىنگەن كولىكتى تىركەۋ ءۇش مامانداندىرىلعان حالىققا قىزمەت كورسەتۋ ورتالىعىندا جۇرگىزىلىپ جاتىر. ودان بولەك, ازاماتتار قۇجاتىن ونلاين تاپسىرا الادى. تىركەۋ ءۇشىن باستاپقى تولەم - 200 مىڭ تەڭگە», دەپ ءتۇسىندىردى الماس تاستانبەكوۆ.
