«قازىر ەكىباستۇز قالاسىنىڭ 5,3 كم جىلۋ جەلىلەرىن قايتا جاڭارتۋعا 9 064 380 مىڭ تەڭگە كولەمىندە قاراجات ءبولىندى. سونىمەن قاتار پاۆلودار وبلىسىنىڭ اكىمدىگى مەن «ورتالىق ازيا ەلەكتر ەنەرگەتيكالىق كورپوراتسياسى» اق اراسىندا جاۋاپكەرشىلىكتى جەرگىلىكتى اتكارۋشى ورگانمەن ءبولۋ بولىگىندە مەموراندۋمعا قول قويدى. ەكىباستۇز جەو-نىڭ سۋ جىلىتۋ جانە ەنەرگەتيكالىق قازاندىقتارىن جوندەۋ بويىنشا قاجەتتى جۇمىستاردىڭ تىزبەسى ايقىندالدى.
مەموراندۋم شەڭبەرىندە جەو-نىڭ 5 سۋ جىلىتۋ قازاندىعى (№ 11 - 15) جانە 3 ەنەرگەتيكالىق قازاندىق (№ 6, 7, 8), سونداي-اق قوسالقى جابدىقتار, مەنشىك يەسىمەن تەپە-تەڭ نەگىزدە شامامەن عيماراتتاردى جوندەۋ جۇمىستارىن 15 ملرد تەڭگە سوماعا جۇرگىزۋ بويىنشا ءىس-شارالار ازىرلەندى», دەلىنگەن رەسمي جاۋاپتا.
سونداي-اق ۋاكىلەتتى مەملەكەتتىك ورگان وبلىس اكىمدىگىمەن بىرلەسىپ, قارجىلاندىرۋدى ۇيىمداستىرۋ ماقساتىندا 5 سۋ جىلىتۋ قازاندىعىندا جوندەۋ جۇمىستارىنىڭ ەسەپتەۋلەرىن جۇرگىزىپ جاتقانىن ايتقان.
بۇدان باسقا, جىلۋمەن جابدىقتاۋدىڭ تەمپەراتۋرالىق كەستەسىن ساقتاماۋىنا بايلانىستى «ەكىباستۇزتەپلوەنەرگو» جشس 2022 جىلعى قاراشادان باستاپ 2023 جىلعى ناۋرىزدى قوسا العاندا جىلۋ ەنەرگياسى ءۇشىن قايتا ەسەپتەۋ جۇرگىزگەن.
سونداي-اق اكتسيونەرلەردىڭ ەسەبىنەن 2022 جىلعى جەلتوقساندا جانە 2023 جىلعى قاڭتاردا تۇتىنۋشىلارعا نورماتيۆتىك تۇتىنۋعا سايكەس تۇتىنىلعان ەلەكتر ەنەرگياسى ءۇشىن وتەماقى جاسالعان. بۇل رەتتە 2023 جىلدىڭ اقپان جانە ناۋرىز ايلارى ءۇشىن وتەماقىنى جاساۋ ماسەلەلەرىن جەرگىلىكتى اتقارۋشى ورگان جانە «واەك» اق پىسىقتاۋدا.
«جالپى, جوعارىدا اتالعان جۇمىستار ۇكىمەتتىڭ باقىلاۋىندا جانە قالانى الداعى جىلىتۋ ماۋسىمىنا تولىققاندى دايىنداۋدى قامتاماسىز ەتۋ بويىنشا قاجەتتى شارالار قابىلدانىپ جاتىر», دەلىنگەن جاۋاپتا.
