- وسىعان بايلانىستى قمگ-ءنىڭ مۇناي وندىرەتىن ۇيىمدارىنىڭ, سونىڭ ىشىندە «وزەنمۇنايگاز» اق-تى قوسا العاندا, ەكسپورتقا شىعاتىن بارلىق ءونىمىن ءۇشىنشى تاراپ, ياعني جەكە دەلدال ەمەس, قمگ كومپانيالار توبىنىڭ جۇيەلىك ترەيدەرى ساتىپ الاتىنىن حابارلايمىز.
ومگ-ءنىڭ ەكسپورتقا شىعاتىن بارلىق مۇناي كولەمى الەمدىك مۇناي باعاسىنا ساي ساتىپ الىنادى.
سونداي-اق قمگ ىشكى نارىقتىڭ قاجەتتىلىگىنە ارنالعان ومگ ءونىمىن دە ەشقانداي دەلدالسىز ساتىپ الادى.
ونىڭ ۇستىنە, ەل حالقىن قولجەتىمدى باعامەن وتىنمەن قامتاماسىز ەتۋ ءۇشىن مۇناي ونىمدەرىن ساتۋ كەزىندە شەكتى باعانى مەملەكەت بەلگىلەيدى جانە بۇل «قازمۇنايگاز» ۇك اق ءۇشىن ءتيىمسىز بولىپ كەلەدى. شىعىندى ازايتۋ ءۇشىن وڭدەۋگە جىبەرىلەتىن مۇناي كەن ورىندارىنان ەكسپورت باعاسىنان تومەن باعامەن ساتىپ الىنىپ, مۇناي وڭدەۋ زاۋىتتارىنا تىكەلەي جونەلتىلەدى, - دەلىنگەن حابارلامادا.
«قازمۇنايگاز» ۇك اق كەن ورىندارىنان مۇنايدى تومەندەتىلگەن باعامەن ىشكى نارىققا ساتىپ, ونى ودان ءارى ءۇشىنشى تۇلعالاردىڭ ەكسپورتقا قايتا ساتۋى بويىنشا الىپساتارلىق وپەراتسيالار جايلى اقپارات شىندىققا جاناسپايدى.
