اتىراۋ سۋپەرماركەتتەرىنىڭ «تۇراقتاندىرۋ قورى ونىمدەرى» بولىمدەرىندە نان باعاسى كوتەرىلدى. بۇرىن ول 81 تەڭگە بولسا, قازىر ءبىر بولكە 91 تەڭگەگە ساتىلادى.
«اتىراۋ» اكك ءباسپاسوز قىزمەتى ءالەۋمەتتىك نان باعاسىنىڭ كۇرت وسۋىنە قاتىستى بىرقاتار تۇسىنىكتەمە بەردى. بىرىنشىدەن, «جەلاەۆ» جشس ۇن تارتاتىن زاۋىتى بءىرىنشى سۇرىپتى ۇننىڭ باعاسىن (1 كەلىسى ءۇشىن) 155 تەڭگەدەن 165 تەڭگەگە دەيىن, ال ۇن جەتكىزۋشى «كارات» جشس 145 تەڭگەدەن 155 تەڭگەگە دەيىن كوتەرگەنى سەبەپ ەكەنى ايتىلدى. ناۋبايحانالار ءبىرىنشى سۇرىپتى ۇننىڭ قىمباتتاۋىنا, ەلەكتر ەنەرگيياسىنىڭ, كوممۋنالدىق قىزمەتتەر باعاسىنىڭ, جانار-جاعارمايدىڭ قىمباتتاۋىنا جانە جۇمىسشىلاردىڭ جالاقىسى وسۋىنە بايلانىستى نان باعاسىن كوتەرگەن. قازىر ءبىرىنشى سۇرىپتى ۇننان جاسالعان نان 83 تەڭگەدەن جەتكىزىلۋدە. اكك ءباسپاسوز قىزمەتى باعانىڭ وسۋىنە قاراماستان, وبلىستىق تۇراقتاندىرۋ قورى بولىمدەرىندە نان باعاسى ءالى دە بولسا باسقا دۇكەندەردەگى ورتاشا باعادان تومەن ەكەنىن اتاپ ءوتتى. مۇنداعى ايىرماشىلىق ءبىر بولكە نان ءۇشىن 30 تەڭگەگە جەتەدى.
قازاقستاندا ازىق-ءتۇلىك باعاسىنىڭ تۇراقسىزدىعى بايقالىپ وتىر. كەيبىر ايماقتاردا ازىق-ت ۇلىك باعاسى قىمباتتاسا, كەيبىر جەرلەردە كەرىسىنشە ارزانداپ جاتىر.
ارۋجان ناعاشىباي,
ل.ن.گۋميلەۆ اتىنداعى ەۇۋ ستۋدەنتى
