«ناۋرىزباي اۋداندىق پوليتسيا باسقارماسىنىڭ كەزەكشى بولىمىنە بەلگىسىز ەر ادام ءتورت قاباتتى ءۇيدىڭ شاتىرىندا ءوز-وزىنە قول جۇمساماق بولعانى تۋرالى حابارلاما كەلىپ ءتۇستى. بۋران-263 پاترۋلدىك ەكيپاجى بىرنەشە مينۋتتا وقيعا ورنىندا بولدى. بەلگىلى بولعانداي, جەرگىلىكتى تۇرعىن ماس كۇيىندە ايەلىمەن جانجالداسىپ قالعان. سول سەبەپتى ول الدىمەن وزىنە پىشاق سالماق بولعان. قاننان قورىققان ول قاراۋسىز قالعان عيماراتقا بارىپ, شاتىردان سەكىرۋگە بەل بۋعان», دەپ حابارلادى الماتى قالالىق پوليتسيا دەپارتامەنتىنىڭ ءباسپاسوز قىزمەتى.
وقيعا ورنىنا جەتكەن دارىگەرلەر ەر ادامعا العاشقى مەديتسينالىق كومەك كورسەتىپ, جاقىن ماڭداعى اۋرۋحاناعا الىپ كەتتى.
ء«ىس ماتەريالدارى جەرگىلىكتى ۋچاسكەلىك ينسپەكتورعا تاپسىرىلدى. ول ءبىرىنشى كەزەكتە ەر ادامنىڭ وتباسىلىق-تۇرمىستىق جاعدايىن تەكسەرىپ, ءوزىن-ءوزى ولتىرۋگە يتەرمەلەگەن ءمان-جايلاردى انىقتايدى», دەپ اتاپ ءوتتى پوليتسيا وكىلدەرى.
