عاسىر جاساعان ارداگەردىڭ اۋلاسىندا سوعىس جىلدارىنداعى اندەر شىرقالىپ, جەڭىس كۇنىن ەسكە الدى.
- سول كەزدەگى اندەر ەشقاشان وزگەرمەيدى. ءبىز «كاتيۋشا», ء«ۇش تانكيست» اندەرىن شىرقايتىنبىز. ءبارى ەسىمدە. ەڭ باستىسى, اسپانىمىز اشىق بولىپ, بەيبىتشىلىك ۇستەم بولسىن. ال, جاستارعا دەنساۋلىق, باقىت تىلەيمىن! -, دەيدى ارداگەر كەيۋانا.
«وتان سوعىسى» وردەنىنىڭ ءبىرىنشى دارەجەلى كاۆالەرى اناستاسيا سۆەتوچەۆا سوعىستا اسكەري بايلانىسشى بولعان. 101 جاسقا تولسا دا, ءالى تىڭ. سوعىستاعى جەرلەستەرىنىڭ ەرلىگى مەن بەيبىت ومىردەگى تىرلىگىن ەستەن شىعارماعان. ءتىپتى, العاشقى اسكەري بيلەتىن كوزىنىڭ قاراشىعىنداي ساقتاپ كەلەدى. سوعىس جىلدارىنداعى نەگىزگى ۇرىستاردىڭ ۋاقىتى مەن وتكەن جەرى دە وسى كۇنگە دەيىن ءالى ەسىندە.
- ارداگەرلەرىمىزدىڭ ارقاسىندا اسپانىمىز اشىق, كۇنىمىز بەيبىت. ولاردىڭ ەرلىگى – ءبىز ءۇشىن ۇلگى, ومىرلەرى – ونەگە, – دەيدى 344 اسكەري ءبولىمىنىڭ وفيتسەرى كاپيتان دارحان مۇحتاريەۆ.
