ەلوردالىق قورشاعان ورتانى قورعاۋ جانە تابيعاتتى پايدالانۋ باسقارماسىنىڭ باستاماسىمەن سۋعا ەكى مىڭ ليترگە جۋىق حلورەللا سۋسپەنزياسى توگىلدى.
ءىس-شاراعا قازاقستان رەسپۋبليكاسى عىلىم جانە جوعارى ءبىلىم مينيسترلىگىنىڭ, استانا قالاسى اكىمدىگىنىڭ, ەكولوگيا دەپارتامەنتىنىڭ, سۋ رەسۋرستارىن پايدالانۋدى رەتتەۋ جانە قورعاۋ جونىندەگى ەسىل باسسەيندىك ينسپەكتسياسىنىڭ, «قازسۋشار» رمك, «بۇقتىرما ۋىلدىرىق شاشۋ-ءوسۋ شارۋاشىلىعى» جشس وكىلدەرى, ستۋدەنتتەر مەن ەرىكتىلەر بەلسەندى قاتىستى.
جوبانىڭ ماقساتى - سۋ قويماسىنىڭ ەكوجۇيەسىن قالپىنا كەلتىرۋ جانە بيولوگيالىق مەليوراتسيا ادىسىمەن انتروپوگەندىك جۇكتەمەنى ازايتۋ.
بۇل ءادىس قوپسىتقىش قوندىرعىدا وسىرىلگەن «حلورەللا» ءبىر جاسۋشالى جاسىل بالدىرلاردىڭ شتامدارىن قولدانۋدى قامتيدى.
سۋسپەنزيا – بالدىرلارعا ارنالعان قورەكتىك ورتا. ول قانىق جاسىل تۇسكە جانە سۋدىڭ فيزيكالىق قاسيەتتەرىنە يە. ونى ءوسىرۋ ءۇشىن پلانكتون شتامدارى قولدانىلادى.
سۋ قويمالارىن ۋلى زاتتاردان تازارتۋدا جانە بالدىرلارمەن ەۆتروفيكاتسيالاۋدا بالدىرلار سۋسپەنزياسىن قولدانۋ ءادىسى سۋ قويماسىنا كونتسەنتراتسيالانعان سۋسپەنزيانى ەنگىزۋدەن تۇرادى.
ناتيجەسىندە تازارتۋ جانە وڭالتۋ كەزىندە سۋ قويماسىنىڭ ەكولوگيالىق جاعدايى كەلەسى كورسەتكىشتەر بويىنشا جاقسارادى دەپ كۇتىلەدى:
- سۋ ايدىنىنىڭ فيزيكا-حيميالىق كورسەتكىشتەرىن جاقسارتۋ;
- سۋدا ەرىگەن وتتەگىنىڭ كونتسەنتراتسياسىنىڭ جوعارىلاۋى;
- سۋ قويماسىنىڭ گيدروبيولوگيالىق كورسەتكىشتەرىن جاقسارتۋ, زووپلانكتون مەن زووبەنتوس سانى مەن بيوماسساسىنىڭ ءوسۋى;
- يحتيوفاۋنانىڭ كوبەيۋى.
