قازاقستان تەننيس فەدەراتسياسى ۇسىنعان مالىمەتىنە سۇيەنسەك, شىمكەنت قالاسىندا ازيا - تىنىق مۇحيت ايماعى بويىنشا ءوتىپ جاتقان ىرىكتەۋ ءتۋرنيرىنىڭ جارتىلاي فينالىندا ياروسلاۆا شۆەدوۆانىڭ شاكىرتتەرى الەمدەگى ۇزدىك قۇرامالاردىڭ ءبىرى, جاسوسپىرىمدەر اراسىندا بيللي دجين كينگ كۋبوگىنىڭ بەس دۇركىن چەمپيونى - اۋستراليا قۇراماسىن 2:0 ەسەبىمەن جەڭدى.
ءبىرىنشى ويىندا اريانا گوگۋلينا ءساتتى ونەر كورسەتىپ, 7:5, 3:6, 7:5 ەسەبىمەن ۇتتى. ول ءبىرىنشى پارتيادا 2:5 ەسەبىمەن جەڭىلىپ جاتىپ, قاتارىنان بەس گەيمدى الدى.
ال پولينا سلەپتسوۆا اۋستراليا كوشباسشىسى تاحليا كوككينيستى ارتتا قالدىردى. ەسەپ - 7:5, 6:4.
وسىلايشا, قازاقستان جاسوسپىرىمدەر قۇراماسى وسى جىلدىڭ كۇزىندە وتەتىن الەم چەمپيوناتىندا باق سىنايدى.
ايتا كەتسەك, ەرتەڭ, 6 مامىر كۇنى فينالدا قازاق قىزدارى جاپونيا نەمەسە وڭتۇستىك كورەيانىڭ بىرەۋىمەن كەزدەسەدى.
