- تاجىكستان – ءبىز ءۇشىن باۋىرلاس ەل, ماڭىزدى ءارى سەنىمدى سەرىكتەس مەملەكەت. ءبىزدىڭ حالىقتارىمىزدى شىنايى دوستىق, ورتاق تاريح, رۋحاني جانە مادەني قۇندىلىقتار بىرىكتىرەدى;
- ءسىزدىڭ ساپارىڭىز مەملەكەتتەرىمىز اراسىنداعى ديپلوماتيالىق قاتىناستاردىڭ 30 جىلدىعىندا ءوتىپ وتىر;
- ەكى ەل ۇكىمەتتەرىنىڭ سەنىمدى ساياسي ديالوگى مەن ۇيلەسىمدى جۇمىسىنىڭ ناتيجەسىندە قارىم-قاتىناستاردىڭ مازمۇنى مۇلدە جاڭارىپ, باي ءتۇستى. بۇگىن قول قويىلعان وداقتاستىق ءوزارا ءىس-قيمىل تۋرالى دەكلاراتسيا – مۇنىڭ ايقىن دالەلى;
- ەكىجاقتى ءوزارا ءىس-ارەكەتتى نىعايتۋ ءۇشىن ەنەرگەتيكا جانە ماشينا جاساۋ سالالارىندا زور مۇمكىندىك بار. كەشە وتكەن قازاقستان-تاجىكستان بيزنەس-فورۋمى مەن ىسكەرلىك كەڭەس وتىرىسى كاسىپكەرلەردىڭ وسى سالالاردا ءوزارا ءتيىمدى بايلانىس ورناتۋعا قىزىعۋشىلىق تانىتىپ وتىرعانىن راستادى;
- بيزنەس-فورۋم بارىسىندا جالپى سوماسى 1,8 ميلليارد دوللار بولاتىن كەلىسىمشارتتارعا قول قويىلدى;
- وتكەن جىلدىڭ قورىتىندىسى بويىنشا ەلدەرىمىز اراسىنداعى اۋىل شارۋاشىلىعى ونىمدەرىنىڭ تاۋار اينالىمى 40 پايىزعا ءوسىپ, 500 ميلليون دوللاردان استى;
- قازاقستان – تاجىكستانعا ۇلكەن كولەمدە بيداي مەن ۇن جەتكىزەتىن ەلدىڭ ءبىرى. بۇل رەتتە ءبىزدىڭ وسىمدىك مايلارى, ماكارون, ءسۇت ونىمدەرى جانە كونديتەرلىك ءونىم تۇرلەرى بويىنشا ەكسپورتتى ۇلعايتۋ ءۇشىن رەزەرۆىمىز جەتكىلىكتى;
- قول جەتكىزىلگەن ۋاعدالاستىقتاردى ءتيىمدى جانە ۋاقتىلى ىسكە اسىرۋ ءۇشىن اۋىل شارۋاشىلىعى سالاسىنداعى ىنتىماقتاستىقتى جانداندىرۋ جونىندەگى 2025 جىلعا دەيىنگى جول كارتاسىنا قول قويىلدى;
- ىسكەرلىك بايلانىستار مەن ەكونوميكالىق ىنتىماقتاستىقتى كەڭەيتۋ ءۇشىن مەيلىنشە قولايلى جاعداي جاساۋ قاجەتتىگى اتاپ ءوتىلدى. وسىعان بايلانىستى وڭىرارالىق فورۋمدار فورماتىندا ەكىجاقتى ىنتىماقتاستىقتىڭ باستالۋى ەرەكشە ماڭىزعا يە;
- ورتالىق ازياداعى ترانسشەكارالىق وزەندەردى پايدالانۋ تۋرالى ۇستانىمدارىمىز ورتاق ەكەنىن, سونداي-اق بۇل ىستە كونسترۋكتيۆتى ىنتىماقتاستىق پەن ءوزارا ءتيىمدى شەشىمدەر ىزدەۋ قاجەتتىگىن تاعى دا راستادىق. بۇل ماسەلەدە ارالدى قۇتقارۋدىڭ حالىقارالىق قورى ايرىقشا ءرول اتقارادى;
- قول جەتكىزىلگەن ۋاعدالاستىقتار – قازاقستان-تاجىكستان قارىم-قاتىناستارىن نىعايتۋ تۇرعىسىنان اسا ماڭىزدى جانە ەلدەرىمىز اراسىنداعى ىنتىماقتاستىقتى ودان ءارى نىعايتۋعا بەيىلدى ەكەنىڭىزدىڭ ايقىن دالەلى.
