دەپۋتات اتاپ وتكەندەي, ماسەلەنىڭ سەبەبى جەر كودەكسىنىڭ قايشىلىقتارى مەن بالىق شارۋاشىلىقتارىنىڭ مارتەبەسىنىڭ بەلگىسىزدىگى. وسىعان بايلانىستى شارۋالار شىعىندارىنىڭ جارتىسىنان كوبىن جاباتىن سۋبسيديالاردى راسىمدەۋ كەزىندە قيىندىقتارعا تاپ بولادى.
«بالىق شارۋاشىلىعى قۇرىلىسى ءۇشىن جەر ۋچاسكەسىن تابىستاۋعا دا جانە بالىق شارۋاشىلىعى قاي سالاعا جاتقىزىلاتىندىعى دا جەر كودەكىسىندە, باسقا دا قۇقىقتىق نورماتيۆتىك اكتىلەردە ناقتىلانباعان. سونىڭ سالدارىنان, جامبىل وبلىسىنىڭ بالىق شارۋاشىلىقتارى 2021 – 2030 جىلدارعا ارنالعان مەملەكەتتىك قولداۋ شاراسى شەڭبەرىندە شىعىستاردىڭ 50 پايىزىنا دەيىن جاباتىن اسا قاجەتتى زاڭدى سۋبسيديالار الا المايدى. ەلىمىزدەگى بالىق شارۋاشىلىعىن جۇرگىزۋ ءۇشىن جەر ۋچاسكەسىن تابىستاۋ جانە ولاردىڭ نىسانالى ماقساتىن اۋىستىرۋ ماسەلەلەرى بويىنشا قولدانىستاعى جەر جانە سۋ زاڭنامالارىنا ءتيىستى تۇزەتۋلەردى ەنگىزۋدى سۇرايمىن», دەدى سەناتور مينيسترلەر كابينەتىنىڭ باسشىسىنا.
