ChatGPT قاۋىپسىز بە؟

ەڭ الدىمەن, ءبىز ChatGPT-ءتىڭ قاۋىپ­سىزدىك قاتەرلەرى مەن ونى تۋىن­داتاتىن ماسەلەلەر تۋ­را­لى ايت­قىمىز كەلەدى. ChatGPT باس­قا چات-بوتتار نەگىزىندەگى تەح­نو­­لو­گيا­عا ۇقساس بولۋى مۇمكىن. بىراق ول ءوز الدىنا ەرەكشە ءونىم بولىپ قا­لا بەرمەك. ەگەر ءسىز ونى جەكە كو­مەكشى رەتىندە پايدالانعىڭىز كەل­سە, سەپتىگى مول, پايداسى وراسان. ال قاۋىپ-قاتەر سۋبەكتىلەرى بار ەكەنىن ويلاساڭىز, كوڭىلگە الاڭ كىرەدى. ءبىر وكىنەرلىگى, «دايىن اسقا تىك قاسىق» بولعىسى كەلەتىن كيبەرقىلمىسكەرلەر ChatGPT قول­دان­باسىن زياندى باعدارلاما جا­زۋ, الاياقتىق ۆەب-سايتتاردى قۇرۋ, في­شينگتىك ەلەكتروندى حاتتاردى جاساۋ, جالعان جاڭالىقتار دايارلاۋ سەكىلدى جىمىسقى ارەكەتتەر ءۇشىن پايدالانا الادى ەكەن. وسى رەتتە ChatGPT-ءتىڭ پايدادان گورى كيبەرقاۋىپسىزدىك قاۋپى باسىم بو­لۋى مۇمكىن. سول ءۇشىن قازىرگى ۋاقىت­تا ومىرگە كەلگەن ءاربىر جاڭا تەح­نولوگيانىڭ ارتىنداعى زالالدى تۇستارىن دا سانا-سەزىمىمەن سالماقتاۋ, تارازىلاۋ تۇتى­نۋ­شى­نىڭ وزىنە بايلانىستى.

سونىمەن قاتار ChatGPT-ءتىڭ وزىندە بەلگىلى ءبىر رەتتەلمە­گەن وسال­دىقتار بار دەگەن ۇل­كەن الاڭ­داۋشىلىق تۋىنداپ وتىر. مىسالى, وسى جىلدىڭ ناۋرىز ­ايىن­دا كەي­بىر پايدالانۋشىلاردىڭ باسقا­لار­دىڭ اڭگىمەلەرىنىڭ تاقىرىپ­­تا­رىن, ماز­مۇندارىن كورە الاتى­نى تۋرالى اقپاراتتار تارادى. سول كەزدە The Verge اقپارات سايتى حابارلاعانداي, OpenAI باس دي­رەكتورى سەم التمان اتالعان ما­سەلەگە دەرەككوزدەردەگى ال­عاشقى قا­تەلىك سەبەپ بولعانىن ءتۇسىندىر­دى. بۇل بىزگە نەنى مەڭزەيدى؟ بۇل ءوز الەۋەتى بويىنشا دەرەكتەردىڭ كوپ مولشەرىن جينايتىن ChatGPT-پەن بولىسەتىن دە­رەك­تەردى شەكتەۋدىڭ قانشالىقتى ما­ڭىزدى ەكەنىن كور­سە­تەدى. الپاۋىت تەح­نو­لوگيالىق ۇيىم Samsung مۇنىڭ سى­­رىن كوپ­تەگەن قيىندىقتان كەيىن تارازىلاي ال­دى. چات-بوتتى كومەكشى رەتىندە پاي­دالانعان ءبىر توپ قىزمەتكەر وعان قۇپيا اقپاراتتى ابايسىزدا تاراتىپ جىبەرگەنى دە انىقتالدى.

ال وسىندايدا «ChatGPT ءسىزدىڭ جەكە ومىرىڭىزگە قاۋىپ توندىرە مە؟» دەگەن زاڭدى سۇراق تۋىندايدى. قاۋىپسىزدىك پەن قۇپيالىلىق ءبىر نارسە ەمەس. بىراق ولار ءبىر-بىرى­مەن تىعىز بايلانىستى ءارى ءجيى قا­رىم-قاتىناستا. ەگەر ChatGPT الەۋ­مەتتىك قاۋىپسىزدىككە زالالدى بولسا, وندا ول جەكە تۇلعانىڭ ومىرىنە دە قاۋىپ توندىرەدى دەگەن ءسوز.

ChatGPT ءوزىنىڭ اۋقىمدى دە­رەك­قو­رىن جاساۋ ءۇشىن ءبىز كۇندەلىك­تى تۇرمىستا پاي­دالانىپ جۇرگەن ينتەرنەتتەگى ميل­لياردتاعان اق­پارات لەزدە جويىلعان. بۇل دە­رەك­قور ۇزدىكسىز كەڭەيۋ ۇستىندە. ويت­كەنى ChatGPT پايدالانۋشىلار بو­لىسەتىن كەز كەلگەن اقپاراتتى وزىنە تولىق ساقتاپ الادى. اقش-تا ورنالاسقان كوممەرتسيا­­لىق ەمەس Common Sense ۇيىمى ChatGPT-كە ­61 پايىزدىق قۇپيالىلىقتى با­عا­لاۋ ۇپا­يىن بەردى. چات-بوت جەكە سايكەستەن­دىرى­لە­تىن اقپاراتتى جانە باسقا دا قۇپيا دەرەكتەردى جينايتىنىن اتاپ ءوتتى. بۇل دەرەكتەردىڭ كوپشىلىگى ساقتالادى نەمەسە بەلگىلى ءبىر ءۇشىنشى تاراپتارمەن بولىسىلەدى دەگەن ءسوز.

قىسقاسى, ChatGPT-تى پايدا­لانۋ كەزىندە اباي بولۋ كەرەك. اسى­رەسە, ونى جۇمىس ءۇشىن نەمە­سە قۇپيا اقپا­رات­تى وڭدەۋ ءۇشىن پاي­دالانساڭىز, جەتى رەت ول­شەپ, ءبىر رەت كەسكەن ابزال. بى­لاي­­­­شا ايتقاندا, ءسىز كۇندەلىكتى تۇر­مىس­تا كوپ­شىلىكتىڭ بىلگىسى كەل­مەي­تىن اقپاراتتارىن اتالعان قۇرىلعىمەن بولىسپەۋىڭىز كەرەك. ۋاقىت وتە كەلە, چات-بوتتار ىزدەۋ جۇيەلەرىنىڭ, دىبىستىق جازبالار مەن الەۋمەتتىك جەلىلەردىڭ اجىراماس بولى­گىنە اينالادى. مىنە, وسىنداي ناقتى كوز­قاراستى Malwarebytes كيبەرقاۋىپسىزدىك قو­سىمشاسى ءبىلدىردى. ءتىپتى بۇل چات-بوتتار بولاشاقتا دەنساۋلىق ساق­تاۋ مەن ءبىلىم بەرۋدەن, قارجى مەن ويىن-ساۋىققا دەيىنگى ءارتۇرلى سالالاردا دا ءرول اتقاراتىنى ايتىلىپ ءجۇر.

بۇل وسىعان دەيىن ءبىز زەرتتەپ, زەردەلەگەن قاۋىپسىزدىك شارالارىن تۇبە­گەيلى وزگەرتەدى. بىراق Malwarebytes اتاپ وت­كەندەي, ChatGPT جانە وعان ۇقساس قۇرال­دار­دى كيبەرقاۋىپسىزدىك مامان­دا­رى دا پايدالانا الادى ەكەن. مى­سا­لى, باع­دارلامالىق قۇرالداعى قاتەلەردى نەمەسە جەلى ارەكەتىندەگى «كۇدىكتى ۇلگىلەردى» ىزدەۋ ءۇشىن بۇل تاپتىرماس تەحنولوگيالىق ءونىم بولماق. وسى جاعدايلاردى بىلگەن سوڭ, اتالعان ءونىم تۋرالى الۋان ءتۇرلى اقپاراتتى وقىعان سوڭ, بىزگە ChatGPT 5 نەمەسە 10 جىلدان كەيىن نە ىستەي الادى دەگەن ساۋال تۋى مۇمكىن. وكىنىشتىسى, ءبىز تەك بولجام جاساي الامىز. بىراق ءبىر انىق نارسە – جاساندى ينتەللەكتىلەردىڭ ەشقايدا كەتپەيتىنى, ونىڭ ارامىزدا, ءبىز­دىڭ كۇندەلىكتى تىرشىلىكتە ءومىر سۇرەتىنى.

جاڭا ءونىم, جاڭا تەحنولوگيا­لاردىڭ جەمىسى اتالاتىن وسىنداي چات-بوتتار ومى­رىمىزگە ارالاسقان سا­يىن, بارلىق سالا ولار­دى رەتتەۋ­گە جانە جاۋاپكەرشىلىكپەن پاي­­دا­لانۋدى ۇيرەنۋگە ءماجبۇر بو­لا­دى. بۇعان جاساندى ينتەللەكت قا­لىپ­تاستىرىپ جاتقان كي­بەر­قاۋىپ­سىزدىك سالاسى دا كىرەدى. جا­سان­دى ينتەللەكتىمەن بايلانىس­تى قاۋىپ­سىزدىك تاۋەكەلدەرى تۋرالى ساقتىقتى كۇشەيتۋ ماڭىزدى بولماق. قازىر قوعام اراسىندا ChatGPT-ءتى ماقتاپ, ونىڭ ناسيحاتىن جاساپ جۇرگەندەر دە, ونىڭ پايداسىنان گورى زيانى كوپ ەكەنىن اشىق ايتقاندار دا بارشىلىق. جاساندى ينتەل­لەكتىلەردىڭ چات-بوتتارى ءمىنسىز ەمەس, بىراق ولاردان مۇلدەم اۋلاق بولۋدىڭ دا قاجەتى شامالى.

كەلەسى ماسەلە ChatGPT ءسىزدىڭ جەكە اقپاراتىڭىزدى ۇرلاي ما دەگەنگە سايادى. ChatGPT تۋرالى الدىڭعى قاتارداعى قاۋىپسىزدىك ماسەلەلەرىنىڭ كوپشىلىگى بولجام­دار مەن تەكسەرىلمەگەن ەسەپتەردەن تۋىندايدى. كەيدە جاڭا تەحنو­لو­گيالىق ونىمدەردى پايدالانۋشىلاردا بەيتانىس قۇرالدار­­دىڭ قۇپيالىلىعى مەن قاۋىپسىزدىگى تۋ­رالى اعات تۇسىنىكتەردىڭ بو­لۋى – تا­بيعي جاعداي. اتالعان پلاتفور­مانى Microsoft جانە يلون ماسك سياق­تى تەحنولوگيالىق ينۆەستورلار قارجى­لاندىراتىن بەدەلدى جاساندى ينتەللەكت زەرتتەۋ زەرتحاناسى OpenAI ىسكە قوستى. ChatGPT ەڭ قىسقا اقپاراتتى سۇرايدى. ءسىز تەك اتىڭىز بەن ەلەكتروندىق پوشتا مەكەنجايىڭىز ارقىلى تىركەلە الا­سىز. دەگەنمەن OpenAI تەك زەرتتەۋ ماقسا­تىندا كونۆولاردى باقىلاي الادى. ولار­دى ءۇشىنشى تۇلعالارعا تاراتۋ نەمەسە ساتۋ ونىڭ جەكە پايدالانۋ شارتتارىن بۇزادى.

BBC-ءدىڭ مالىمەتى بويىنشا, OpenAI ChaGPT-كە 300 ملرد اق­پا­رات جيناپ بەردى. ول الەۋمەتتىك مەديا پلاتفورمالارى, بيزنەس ۆەب-سايتتارى جانە تۇسى­نىكتەمە بو­لىمدەرى سياقتى جالپىعا قول­جە­تىمدى ۆەب-سايتتاردان دەرەكتەردى جينايدى. قاجەتسىز كەزدە ينتەرنەت­تەن شىعىپ, دەرەكتەرىڭىزدى وشىر­مەسەڭىز, ChatGPT ءسىزدىڭ اقپارا­تىڭىزدى الۋى مۇمكىن. ChatGPT قاۋىپتى بولماسا دا, پلات­فورمانىڭ ءالى دە قاۋىپسىزدىككە جول اشۋى اب­دەن ىقتيمال. الاياقتار ءارتۇرلى كي­بەرشابۋىلداردى ورىنداۋ ءۇشىن شەكتەۋلەردى اينالىپ وتە الادى.

ەلەكتروندى حاتتاردى جازۋعا بىرنەشە ساعات جۇمساۋدىڭ ورنىنا, ينتەرنەت الاياق­­تارى ChatGPT-ءتى پايدالانادى. بۇل – جىلدام ءارى وڭاي ءتاسىل. اتالعان قۇ­رىل­عى بىرنەشە مينۋت ىشىندە جۇزدەگەن ۇيلە­­سىمدى, سەنىمدى ەلەكتروندىق حات­تاردى جا­ساي الادى. سول ءۇشىن اقپاراتتى جاريا ەتۋدەن اۋلاق بولىڭىز. زاڭدى كومپانيالار مەن ۇيىمدار كەزدەيسوق ەلەكتروندىق پوشتا ارقىلى قۇپيا كىلتسوز سۇ­راي­تىنىن ەسكەرىڭىز.

تاجىريبەلى كيبەر-قىل­مىس­كەرلەر قازىردىڭ وزىندە ChatGPT-ءتى ءوز ءىس-ارەكەت­تەرىنە پاي­دا­لانا باستادى. ولار اتالعان چات-بوتتى ۇرلانعان دەرەكتەردىڭ اۋقىم­دى كولەمىنە ىڭعايلاپ, پلات­فور­ما­نى ينتەرنەت الاياقتىعى ءۇشىن جەكە دەرەكقورعا اينالدىرا الادى ەكەن. كوپتەگەن ادام ChatGPT قولدانباسىن ءالى تولىق زەرت­تەگەن جوق. ال حاكەرلەر جۇرتتى شا­تاس­تىراتىن اقپاراتتاردى, ەلەك­تروندىق حاتتاردى جانە حابار­لان­دىرۋلاردى تاراتۋ ارقىلى ءوز ماق­ساتىنا جۇمىس ىستەۋى ابدەن مۇمكىن.

ءبارىمىز دە وسى قوعامنىڭ مۇ­شە­سىمىز, سول ءۇشىن جاڭا تەحنو­لوگيا­لىق ونىمدەردەن ەش ۋاقىتتا باس تارتا المايمىز. بىراق مۇنداعى ەڭ باستى ماسەلە – ساقتىق شارا­لارى. سول ءۇشىن ەگەر قاجەت بول­عان جاع­دايدا ChatGPT-ءتى قاۋىپ­سىز جانە جاۋاپ­كەرشىلىكپەن پايدا­لا­نىڭىز. ChatGPT وزدىگىنەن قا­ۋىپ توندىرمەيدى. جۇيەنىڭ وسال­دىق­تارى بار ەكەنى راس. الايدا ول دەرەك­­تەرىڭىزگە زيان كەلتىرۋى, كەل­تىر­مەۋى دە مۇمكىن. جاساندى ينتەللەكت تەحنولوگيالارىنان قورقا بەرۋدەن گورى, الاياقتار ولاردى الەۋمەتتىك ينجەنەريا تاكتيكاسىنا قالاي ەنگىزەتىنىن زەرتتەڭىز. وسىلايشا, ءسىز ءوزىڭىزدى قاۋىپتەردەن قورعاي الاسىز.