قۇندىزبەك ءابدىراسىلوۆ 1982 جىلعى 16 قاراشادا دۇنيەگە كەلگەن. «اۋليە اتا» ۋنيۆەرسيتەتىن جانە جامبىل گۋمانيتارلىق-تەحنيكالىق ۋنيۆەرسيتەتىن بىتىرگەن. اقپارات جۇيەلەرى, قارجى جانە قۇقىق سالالارى بويىنشا ءبىلىم الدى.
ەڭبەك جولىن 2005 جىلى جامبىل وبلىسى بايزاق اۋدانى بويىنشا سالىق كوميتەتى سالىق تىركەۋ ءبولىمىنىڭ شتاتتان تىس قىزمەتكەرى بولىپ باستادى, وسى جەردە باس مامان لاۋازىمىنا دەيىن كوتەرىلدى.
«ۇلتتىق اقپاراتتىق تەحنولوگيالار» اق, ستاتيستيكا اگەنتتىگىندە, ۇلتتىق ەكونوميكا مينيسترلىگىندە ءتۇرلى قىزمەتتەردە جۇمىس ىستەدى. ەۋرازيالىق ەكونوميكالىق كوميسسيانىڭ ەكونوميكا جانە قارجى ساياساتى جونىندەگى ءمينيسترىنىڭ حاتشىلىعىن باسقاردى.
2014-2018 جىلدارى استانا قالاسىنىڭ ستاتيستيكا دەپارتامەنتى باسشىسىنىڭ ورىنباسارى, دەپارتامەنت باسشىسى بولدى.
ءار جىلدارى قارجى ءمينيسترىنىڭ, پرەمەر-مينيستر ورىنباسارىنىڭ, پرەمەر-ءمينيستردىڭ كەڭەسشىسى بولىپ جۇمىس ىستەدى.
قازىرگى ۋاقىتقا دەيىن پرەمەر-مينيستر حاتشىلىعىنىڭ مەڭگەرۋشىسى بولىپ قىزمەت ەتتى.
بۇرىن وسى لازاۋىمدا بولعان اسقار جاكەنوۆ باسقا جۇمىسقا اۋىسۋىنا بايلانىستى قىزمەتىنەن بوساتىلدى.
