«ەلدەرىمىزدىڭ اراسىندا شەشىلمەگەن ماسەلە جوق ەكەنىن بولەك اتاپ وتكىم كەلەدى. دەگەنمەن, مىناداي ماسەلەلەر اشىلىپ وتىر. وتاندىق KazakhExport كومپانياسىنىڭ ساقتاندىرۋ قۇرالدارىن پايدالانۋدى كەڭەيتۋ ۇسىنىلادى. بۇل رەتتە ءبىز بيزنەسكە ۇسىناتىن بارلىق قارجىلىق مۇمكىندىكتى, ونىڭ ىشىندە ساۋدانى قارجىلاندىرۋدىڭ جاڭا قۇرالىن دۇرىس قولدانۋ ماڭىزدى. ساۋدا ميسسيالارىن جۇرگىزۋ تاجىريبەسى دە جالعاسادى. بۇل مۇددەلى كومپانيالار اراسىندا ۇزاق مەرزىمدى جانە ءوزارا ءتيىمدى بايلانىستار ورناتۋعا ىقپال ەتەدى», دەدى سەرىك جۇمانعارين.
سونىمەن قاتار ول بۇگىنگى بيزنەس فورۋم ەكى ەل اراسىنداعى ءىس-قيمىلدىڭ جاڭا باعىتتارىن بەلگىلەۋگە ارنالعانىن باسا ايتتى.
ء«بىزدىڭ تاۋار اينالىمىمىزدى ارتتىرۋ بويىنشا جۇكتەلگەن بارلىق مىندەتكە قول جەتكىزۋگە مۇمكىندىك بەرەتىن بارلىق جاعداي جاسالعان. بۇل فورۋم قازاقستان مەن تاجىكستاننىڭ ەكىجاقتى ەكونوميكالىق ىنتىماقتاستىعىن ودان ءارى تەرەڭدەتۋگە مۇمكىندىك بەرەتىنىنە سەنىمدىمىن», دەدى ۆيتسە-پرەمەر.
