«قۇرمەتتى دوستار!
بارشاڭىزدى قازاقستان حالقىنىڭ بىرلىگى كۇنىمەن شىن جۇرەكتەن قۇتتىقتايمىن!
بۇل – ىرىس پەن ىنتىماقتىڭ, تاتۋلىق پەن تۇراقتىلىقتىڭ جانە بەيبىتشىلىك پەن كەلىسىمنىڭ مەرەكەسى. بۇگىندە ءوزارا دوستىقتى تۋ ەتكەن قازاقستان حالقى ۇلتتىق بىرەگەيلىكتىڭ وزىق ۇلگىسىن كورسەتىپ كەلەدى. شىن مانىندە, ءبىز – ارالۋاندىقتى بەرەكە-بىرلىكتىڭ وزەگىنە اينالدىرىپ, ەلدىكتىڭ ىرگەتاسىن بەكەمدەي العان ەلمىز.
قازىرگى تاڭدا وسى بىرلىگىمىزگە سىزات تۇسىرمەي, ودان ءارى نىعايتۋ – الدىمىزدا تۇرعان باستى مىندەتتەردىڭ ءبىرى. تاۋەلسىزدىگىمىزدىڭ تۇعىرى بيىك ءارى بەرىك بولۋى ءۇشىن بۇل جولدا جۇدىرىقتاي جۇمىلۋ اسا ماڭىزدى. سوندىقتان مەملەكەت باسشىسى قاسىم-جومارت كەمەل ۇلى توقاەۆ اتاپ وتكەندەي, تاتۋلىق پەن كەلىسىم تەك مەملەكەتتىك ساياساتتا ەمەس, قوعامدا, ۇيدە, ۇجىمدا, جالپى, بارلىق جەردە دارىپتەلۋى قاجەت. وسى تۇرعىدان كەلگەندە, بۇگىنگى مەيرامنىڭ ءمانى زور, ماڭىزى ەرەكشە.
بىرلىك كۇنىمەن قۇتتىقتاي وتىرىپ, بارشاڭىزعا زور دەنساۋلىق جانە قۇت-بەرەكە تىلەيمىن! ەگەمەن ەلىمىز ءوسىپ-وركەندەي بەرسىن! اسپانىمىز ءاردايىم اشىق بولسىن!», دەلىنگەن ماۋلەن اشىمباەۆتىڭ قۇتتىقتاۋ سوزىندە.
