سالتاناتتى جيىنعا استانا قالاسى اكىمىنىڭ ورىنباسارى ەسەت بايكەن, قالالىق سپورت باسقارما باسشىسى سامات جىلقىباەۆ, بوكستان وليمپيادا ويىندارىنىڭ چەمپيونى, قازاقستان سپورتشىلار وداعى پرەزيديۋمنىڭ توراعاسى سەرىك ساپيەۆ جانە بوكستان اتلانتا جانە سيدنەي وليمپيادا ويىندارىنىڭ كۇمىس جۇلدەگەرى بولات ءجۇمادىلوۆ قاتىستى.
استانا قالاسى اكىمىنىڭ ورىنباسارى ەسەت بەرىك ۇلى سپورتشىلارمەن تىلدەسىپ, جارىس الدىندا ساتتىلىك تىلەپ, قالا نامىسىن قورعايتىن سپورتشىلارعا قولداۋ ءبىلدىردى.
«ەلىمىزدە التىنشى رەت وتكەلى تۇرعان پاراليمپيادا ويىندارىندا سىزدەرگە ساتتىلىك تىلەيمىن. پرەزيدەنتتىڭ بۇقارالىق سپورت تۇرلەرىن دامىتۋ بويىنشا بەرىلگەن تاپسىرماسى جۇيەلى تۇردە ورىندالىپ جاتىر دەپ ايتا الامىز. استانادا پاراسپورت تۇرلەرى جاقسى دامىپ كەلەدى. الداعى ۋاقىتتا جاقسى ناتيجە كورسەتىپ, ەلوردامىزدىڭ مارتەبەسىن كوتەرە بەرىڭىزدەر. سپورتتىق مانساپتارىڭىز جاقسى ناتيجەگە تولى بولسىن», دەدى قۇتتىقتاۋ سوزىندە قالا اكىمىنىڭ ورىنباسارى ەسەت بايكەن.
قالا اكىمى ورىنباسارىنىڭ قۇتتىقتاۋ سوزىنەن كەيىن بوكستان اتلانتا جانە سيدنەي وليمپيادا ويىندارىنىڭ كۇمىس جۇلدەگەرى بولات جۇمادىلوۆكە مەملەكەت باسشىسىنىڭ قۇتتىقتاۋ حاتىن تابىستادى.
ۇيىمداستىرۋشىلاردىڭ ايتۋىنشا پاراليمپيادالىق ويىندار − ەلىمىزدە ءتورت جىلدا ءبىر رەت وتەتىن ءىرى كەشەندى جارىستاردىڭ ءبىرى.
سونداي-اق جيىندا بوكستان وليمپيادا ويىندارىنىڭ چەمپيونى سەرىك ساپيەۆ تە پاراسپورتشىلارعا تىلەگىن جەتكىزدى.
ء«ۇش كەزەڭنەن تۇراتىن سايىس 10-30 مامىر ارالىعىندا الماتى, استانا جانە اقتوبە قالالارىندا پارا فۋتبول, گولبول, جەڭىل اتلەتيكا, پارا پاۋەرليفتينگ, پارا تاەكۆوندو, پارا وق اتۋ, پارا ۇستەل تەننيسى, پارا دزيۋدو, پارا ۆولەيبول, پارا ءجۇزۋ سپورت تۇرلەرىنەن وتەدى. ءتورت جىلدا ءبىر رەت وتەتىن سپورتتىق دوداعا ەلوردا قۇراما كومانداسىنان 66 سپورتشى استانا قالاسىنىڭ نامىسىن قورعايدى. جالپى پاراليمپيادالىق ويىندارى 3 كەزەڭنەن تۇرادى.
ياعني, ءبىرىنشى كەزەڭى 10-18 مامىر ارالىعىندا الماتى قالاسىندا جەڭىل اتلەتيكادان وتسە, ەكىنشى كەزەڭى استانا قالاسىندا 16-22 مامىر ارالىعىندا پارا وق اتۋ, پارا پاۋەرليفتينگ, پارا تاەكۆوندو تۇرلەرىنەن وتپەك. ال, ءۇشىنشى سوڭعى كەزەڭدى اقتوبە قالاسىندا 20-30 مامىر ارالىعىندا پارا ۇستەل تەننيسى, پارا ءجۇزۋ, پارا دزيۋدو, پارا ۆولەيبول سپورت تۇرلەرىنەن بولادى», دەدى استانا قالاسىنىڭ مۇگەدەك سپورتشىلارعا ارنالعان سپورت مەكتەبىنىڭ باسشىسى ازامات تاعاەۆ.
جيىن سونىڭدا پارا ۇستەل تەننيسىنەن قر سپورت شەبەرى ستەپانوۆا الەكساندرا مەن پارا دزيۋدودان قر بىرنەشە دۇركىن جۇلدەگەرى گۇلدەباەۆ قايىرلى قۇراما مۇشەلەرىنە ساتتىلىك تىلەپ, جاقسى ناتيجە كورسەتۋدى تىلەدى.
ايتا كەتەيىك, ءۇش كەزەڭنەن تۇراتىن سايىس 10 مامىر كۇنى الماتى قالاسىندا باستاۋ الادى. ءارى قاراي بۇل ويىندار استانا جانە اقتوبە قالالارىندا مامىردىڭ سوڭىنا دەيىن جالعاسادى.
