«جۇمىس توبىنىڭ الدىندا «وزەنمۇنايگاز» اق-دا تەندەرلەردى وتكىزۋ كەزىندە زاڭدىلىقتىڭ ساقتالۋى جانە اشىقتىقتىڭ قامتاماسىز ەتىلۋى ماسەلەلەرىن زەردەلەۋ مىندەتى تۇر. مەردىگەر ۇيىمداردىڭ قىزمەتكەرلەرى بۇل ماسەلەنى ءجيى كوتەرىپ, ونى ەڭبەك جاعدايلارىنىڭ ناشارلاۋىمەن جانە جالاقىنىڭ تومەندەۋىمەن بايلانىستىراتىنى بەلگىلى.
وسىعان بايلانىستى قاداعالاۋ ۆەدومستۆوسىنىڭ قىزمەتكەرلەرى «وزەنمۇنايگاز» اق-نىڭ قارجى-شارۋاشىلىق قۇجاتتاماسىن جانە ساتىپ الۋلارىن ىقتيمال بۇزۋشىلىقتار مەن سىبايلاس جەمقورلىق تاۋەكەلدەرىنىڭ بولۋى تۇرعىسىنان تالدايدى», دەلىنگەن باس پروكۋراتۋرانىڭ ءباسپاسوز قىزمەتى تاراتقان مالىمەتتە.
سونىمەن قاتار جاڭاوزەن قالاسىنىڭ جانە جالپى ماڭعىستاۋ وبلىسىنىڭ الەۋمەتتىك-ەكونوميكالىق دامۋىنا تالداۋ جۇرگىزىلەدى.
تالداۋمەن ينجەنەرلىك ينفراقۇرىلىم جانە تۇرعىن ءۇي قۇرىلىسى, كاسىپكەرلىك, مادەنيەت, سپورت, تۋريزم جانە اگروونەركاسىپتىك كەشەندى دامىتۋ, دەنساۋلىق ساقتاۋ جۇيەسىن جەتىلدىرۋ سالالارىنداعى پروبلەمالىق ماسەلەلەر, سونداي-اق ءوڭىر ءۇشىن باسقا دا ماڭىزدى باعىتتار قامتىلۋدا.
جۇرگىزىلگەن جۇمىستىڭ ناتيجەلەرى كەيىنىرەك جاريالانادى.
