استانادا وتەتىن جىل سايىنعى قازاق تىلىندە ونلاين-كونتەنت جاساۋشىلاردىڭ فورۋمى مەديا ساراپشىلار, جۋرناليستەر, باس رەداكتورلار, بلوگەرلەر مەن ۆلوگەرلەردىڭ باسىن قوسادى.
وسى جىلدار ىشىندە QazaqForum ساراپشىلار مەن مامانداردىڭ باسىن قوسىپ, قازاقتىلدى ونلاين مەديانىڭ دامىتۋ ماسەلەلەرىن تالقىلايتىن جالعىز الاڭ رەتىندە تانىلدى. جالپى ءۇش جىلدىڭ ىشىندە شاراعا 400-دەن استام ادام قاتىستى. 2018 جىلدان بەرى فورۋم اۋديتورياسى كەڭەيىپ, ەندى قاتىسۋشىلار مەن سپيكەرلەر كەز كەلگەن ونلاين رەسۋرستاعى قازاقشا كونتەنتتىڭ ماسەلەلەرىن قاراستىراتىن بولدى.
فورۋم اقپارات جانە قوعامدىق دامۋ ءمينيسترى دارحان قىدىرالىنىڭ سوزىمەن باستالدى. مينيستر قازاق مەدياسى تۋرالى ايتا كەلىپ, جوبانىڭ ماڭىزىنا توقتالدى. سودان كەيىن اقش-تىڭ قازاقستانداعى ەلشىسى دەنيەل روزەنبليۋم ءسوز سويلەدى.
