ءىس-شاراعا ەلىمىزدىڭ بەلگىلى قالامگەرلەرى, قوعام قايراتكەرلەرى, شەتەلدىك قوناقتار, بۇقارالىق كوممۋنيكاتسيا زەرتتەۋشىلەرى, جۋرناليستيكا فاكۋلتەتىنىڭ وقىتۋشى-پروفەسسورلارى, باق ماماندارى, ستۋدەنتتەر, ماگيسترانتتار مەن دوكتورانتتار قاتىستى.
جۋرناليستيكا فاكۋلتەتىنىڭ دەكانى نۇرجان قۋانتاي ۇلى جۇرگىزگەن كەزدەسۋ ستۋدەنتتەر ءۇشىن دە مازمۇندى بولدى. تانىستىرىلىمدا «ۇشقىر قالام» كىتابىنىڭ جۋرناليستەرگە ادىستەمەلىك جانە موتيۆاتسيالىق وقۋ قۇرالى رەتىندە دە باعالى ەكەنى ايتىلدى.
سەبەبى ارىپتەسىمىزدىڭ پۋبليتسيستيكاسىندا مەملەكەتشىلدىك مىنەز, ۇلتتىق قۇندىلىق, تاريحي تانىم-تۇسىنىك كەڭىنەن كورىنىس بەرەدى. ساناڭا سالماق سالا وتىرىپ ويىڭدى سەرگىتەدى. تاقىرىبىن تالداپ, ساراپتاپ بۇگىنگى وقىرمان تالابىنا جاۋاپ بەرەدى. «ەgemen Qazaqstan» گازەتىندە «تۇرمە. ايەل. تاعدىر», «شۋ بويىن شۋلاتقان ءشوپ», «حح عاسىر ىندەتى», «انانىڭ اجالى» دەگەن ماقالالار تسيكلىن جاريالاپ, اتالعان ىندەتتىڭ جايلاپ بارا جاتقانىن ايتىپ, وقىرمانعا وي سالدى.
باس گازەتتىڭ پارلامەنتتەگى العاشقى ءتىلشىسى بولا ءجۇرىپ, «امەريكا اشسا قۇشاعىن», «ۆەنگريامەن بايلانىس», «باكۋدە بولعان ەكى كۇن», «يران يىرىمدەرى», «شىڭجاڭدا شىرقالعان ءان», «حافيز بەن ساعدي ەلىندە», «حومەنەيدىڭ سەنىمدى سەرىگى», «افريكانىڭ الاساپىرانى» سياقتى حالىقارالىق تاقىرىپتاعى ماقالالارى تاۋەلسىزدىكتىڭ العاشقى جىلدارىنداعى سىرتقى ساياساتتتىڭ تىنىسىن تاڭبالادى. قازىر ول سىرتقى ىستەر مينيسترلىگىندە جاۋاپتى قىزمەتتە. كوپتەگەن عىلىمي-پۋبليتسيستيكالىق, ەكى مونوگرافيالىق كىتاپتىڭ اۆتورى, ەكىنشى سىنىپتى كەڭەسشى ديپلوماتيالىق دارەجەسى بار.
تانىستىرىلىم بارىسىندا قوعام قايراتكەرى ءسات توقپاقباەۆ, جازۋشى ساۋلە دوسجان, اتاقتى ءانشى ساۋلە جانپەيىسوۆا, ديپلوماتيا ارداگەرى رافيا دەربىساليەۆا, سىرتقى ىستەر ءمينيسترىنىڭ وكىلى, ديپلومات الماشا ارەنوۆا, بەلگىلى اقىن قۋات قايرانباەۆ, عالىم ءشاريپا نۇرجانوۆا جاڭا كىتاپ تۋرالى جىلى لەبىزدەرىن ءبىلدىردى. ساۋلە جانپەيىسوۆا انىمەن شاشۋ شاشسا, ا.ارەنوۆا سىرتقى ىستەر مينيسترلىگىنىڭ قۇتتىقتاۋ حاتىن تاپسىرسا, جۋرناليستيكا فاكۋلتەتىنىڭ دەكانى نۇرجان قۋانتاي ۇلى العىسحات بەردى.
ال الاتاۋدىڭ ارعى جاعىنان ارنايى كەلگەن قىرعىز پرەزيدەنتى جانىنداعى اقساقالدار كەڭەسىنىڭ توراعاسى داۋلەتبەك شادىبەكوۆ ەكى ەل اراسىنداعى مادەني بايلانىسقا قوسقان ۇلەسى ءۇشىن گۇلسىم ەڭسەپوۆاعا شىڭعىس ايتماتوۆ اتىنداعى ماراپاتتى تاپسىردى.
الماتى
