سولتۇستىك قازاقستان وبلىسىنىڭ پوليتسيا دەپارتامەنتى ۇسىنعان اقپاراتقا سايكەس, پەتروپاۆلدا «اقىلدى» بەينەكامەرالاردىڭ جۇمىسىن تالداي وتىرىپ, اكىمشىلىك پوليتسيا قىزمەتكەرلەرى قاسكۇنەم بۇزۋشىنى انىقتادى.
ول شەتەلدىك تىركەۋدە تۇرعان «Lada Priora» اۆتوكولىگىمەن ءجۇرىپ, جارتى جىلدىڭ ىشىندە جىلدامدىقتى 68 رەت اسىرىپ, توقتاۋ سىزىعىنان ءوتىپ كەتكەن.
ايىپپۇلدىڭ جالپى سوماسى 1,5 ملن تەڭگەنى قۇرادى.
35 جاستاعى شەتەلدىككە قىسقارتىلعان تارتىپپەن 700 مىڭ تەڭگەدەن استام اقشا تولەۋگە تۋرا كەلدى.
پوليتسەيلەردىڭ ايتۋىنشا, وسىعان ۇقساس بىرنەشە بۇزۋشىلىق تىركەلگەن.
جاقىندا پەتروپاۆل قالاسىنىڭ پوليتسەيلەرى ءبىر ايدا بەلگىلەنگەن جىلدامدىقتى 32 رەت اسىرعان 22 جاستاعى جىگىتتى جاۋاپقا تارتتى.
ساۋمالكول ەلدى مەكەنىندە تاعى ءبىر «جىلدام ايداۋدىڭ اۋەسقويى» توقتاتىلدى. ايىرتاۋ اۋدانىنىڭ 27 جاستاعى تۇرعىنى بيىل 16 رەت جول قوزعالىسى ەرەجەسىن بۇزعان ەكەن.
ەكەۋى دە رەسەيلىك ەسەپتە تۇرعان «ۆاز» اۆتوكولىكتەرىن باسقارعان. ولار «اقىلدى» بەينەكامەرالاردىڭ كومەگىمەن انىقتالدى.
«وبلىستا جول قوزعالىسى ەرەجەسىن بۇزۋ دەرەكتەرىن اۆتوماتتى تۇردە تىركەيتىن 35 ۆيدەوجۇيە جۇمىس ىستەيدى. اپپاراتتىق-باعدارلامالىق كەشەندەر جول-كولىك وقيعالارىن ءجيى تۋدىراتىن باعدارشامنىڭ تىيىم سالۋ سيگنالىنا ءوتۋ, جىلدامدىق رەجيمىن بۇزۋ فاكتىلەرىن انىقتايدى. جىل باسىنان بەرى مۇنداي اپپاراتتاردىڭ كومەگىمەن سقو جولدارىندا 20 مىڭنان استام قۇقىق بۇزۋشىلىق انىقتالدى», دەيدى اكىمشىلىك پوليتسيا باسقارماسىنىڭ باستىعى سەرىك ءالجانوۆ.
