جەتىسۋ وبلىستىق تجد وقيعا 25 ءساۋىر كۇنى ساعات 12:20-دا بولعانىن حابارلادى.
«ۇيدە ەرەسەكتەردىڭ قاراۋىنسىز قالعان 2015 جىلى تۋعان بالا پوليەتيلەن پاكەتىن پاراشيۋت رەتىندە پايدالانىپ, بەسىنشى قاباتتىڭ تەرەزەسىنەن سەكىرىپ كەتكەن. قازىرگى ۋاقىتتا بالانىڭ جاعدايى بىرقالىپتى. تالدىقورعان قالاسىنىڭ وبلىستىق اۋرۋحاناسىندا جاتىر. كەيىن بەلگىلى بولعانداي, بالانىڭ جەرگە جاي قۇلاۋىنا اعاش بۇتاقتارى ىقپال ەتكەن», دەپ حابارلادى وبلىستىڭ تجد ءباسپاسوز قىزمەتى.
وبلىستىق توتەنشە جاعدايلار دەپارتامەنتى بالالاردى ەرەسەكتەردىڭ قاراۋىنسىز قالدىرماۋعا, سونداي-اق تەرەزەلەرگە ارنايى قورعانىس قۇرالدارىن ورناتۋعا شاقىرادى.
