«Aqyl Battle» جوباسى بۇعان دەيىن تەلەفون قوسىمشاسى ارقىلى كوپشىلىك اراسىندا كەڭىنەن تانىلعان بولاتىن.
«Aqyl Battle» – 14-35 جاس ارالىعىنداعى جاستار اراسىندا مەملەكەتتىك تىلدە جۇرگىزىلەتىن زاماناۋي زياتكەرلىك كوماندالىق ويىن.
تۋرنير ءۇش كەزەڭدە وتكىزىلەدى: ءبىرىنشى كەزەڭ (ىرىكتەۋ) – وڭىرلىك ونلاين تۋرنير - «Aqyl Battle» ءموبيلدى قوسىمشاسىنداعى وڭىرلىك ىرىكتەۋ; ەكىنشى كەزەڭ (ىرىكتەۋ) – وڭىرلىك وففلاين تۋرنيرلەر; ءۇشىنشى كەزەڭ – «Aqyl Battle Cup» رەسپۋبليكالىق سايىسىنىڭ فينالى.
ەۆگەني كوچەتوۆ ءوز سوزىندە مۇنداي زياتكەرلىك ويىندار رۋحاني قۇندىلىقتار مەن ءپاتريوتيزمنىڭ قالىپتاسۋىنا ىقپال ەتەتىنىن اتاپ ءوتتى. جوبانىڭ ماقساتى مەملەكەتتىك ءتىلدى كەڭىنەن دارىپتەۋ, تىلگە دەگەن قىزىعۋشىلىقتى وياتۋ, لوگيكالىق ويلاۋدى دامىتاتىن ءبىلىمدى جاستار ءۇشىن بوس ۋاقىتتىڭ وزەكتى فورماتىن قالىپتاستىرۋ ماقساتىندا جاستار اراسىندا قىزىقتى ينتەللەكتۋالدىق, شىعارماشىلىق سايىستار وتكىزۋ جانە ەل ازاماتتارىنىڭ لينگۆيستيكالىق كاپيتالىن ارتتىرۋ.
داۋلەت مۇقاەۆ, ءوز كەزەگىندە ىسكە قوسىلىپ جاتقان ويىننىڭ قۇرىلۋ تاريحىمەن ءبولىستى.
قر ۇكىمەتى اقپارات جانە قوعامدىق دامۋ مينيسترلىگى جاساقتاعان 2023-2029 جىلدارعا ارنالعان مەملەكەتتىك جاستار ساياساتى تۇجىرىمداماسىن بەكىتتى.
تۇجىرىمدامانى جۇزەگە اسىرۋ بارىسىندا ەگەمەندى قازاقستاننىڭ جاڭا سىن-قاتەرلەرى تۇرعىسىنان جاستاردىڭ ءوزىن-ءوزى جۇزەگە اسىرۋى ءۇشىن قولايلى جاعدايلار جاساۋعا باعىتتالعان جوبالار ايقىندالدى, سونىڭ ءبىرى – «Aqyl Battle».
