«STEAM وليمپياداسى – تەحنيكالىق ءبىلىم بەرۋدەگى بارلىق سوڭعى جەتىستىكتەردى قامتيتىن يننوۆاتسيالىق ءبىلىم بەرۋ وليمپياداسى. وليمپيادا باعدارلامالاۋ, ينجەنەرلىك روبوتوتەحنيكا جانە 3D مودەلدەۋ سياقتى تەحنيكالىق سالالاردا ءبىلىم بەرۋدى قامتيدى. STEAM ءبىلىم بەرۋدى ناسيحاتتاۋ ناقتى ومىردە عىلىمي-تەحنيكالىق ءبىلىمدى قولدانۋدى جانە بالالارداعى تەحنيكالىق پاندەرگە قىزىعۋشىلىقتى دامىتۋدى بىلدىرەدى. 2017 جىلدان باستاپ 5 وليمپيادا وتكىزىلدى. بيىل قالالىق جانە حالىقارالىق 2 STEAM وليمپياداسىن وتكىزۋ جوسپارلانعان», دەدى دانيال ايتكەنوۆ استانا كوممۋنيكاتسيالار قىزمەتىندە وتكەن ءباسپاسوز ءماسليحاتىندا.
وليمپيادانى استانا قالاسىنىڭ اكىمدىگى تسيفرلاندىرۋ جانە مەملەكەتتىك قىزمەت باسقارماسى, «استانا Innovations» اق, STEAM اكادەمياسى جانە Astana IT University قولداۋىمەن وتكىزەدى.
ء«ىس-شاراعا ەلوردالىق ءبىلىم بەرۋ مەكەمەلەرىنىڭ وقۋشىلارى, بارلىق وبلىستار مەن قالالاردىڭ مەكتەپ وقۋشىلارى جانە شەت ەلدەردەن كەلگەن وقۋشىلار قاتىسادى. ايتا كەتۋ كەرەك, مۇنداي وليمپيادالار ەلوردالىق وقۋشىلاردىڭ تسيفرلىق ساۋاتتىلىعىن ارتتىراتىنى ءسوزسىز. قالالىق STEAM وليمپياداسىنا 200 وقۋشى جانە حالىقارالىق STEAM وليمپياداسىنا تاعى 200 وقۋشى قاتىسادى دەپ جوسپارلانىپ وتىر», دەپ قوستى سپيكەر.
