ۆيتسە-مينيستر قارجى قۇرالدارى بويىنشا سۋبسيديالاۋدىڭ بارلىق باعىتتارى قالىپ وتىرعانىن, كرەديتتەر مەن ليزينگ بويىنشا مولشەرلەمەلەر 6%-عا دەيىن تومەندەتىلگەنىن, سونىمەن بىرگە ساقتاندىرۋ سىيلىقاقىلارىن سۋبسيديالاۋ ءنورماتيۆى 50%-دان 80%-عا دەيىن ۇلعايتىلعانىن اتاپ ءوتتى.
بۇل رەتتە ۆاگونداردىڭ قۇنىن جانە ەرىگەن سۋدى جيناۋ ءۇشىن جاساندى سۋ ايدىندارىن سالۋدى سۋبسيديالاۋ جويىلادى. سونىمەن قاتار سۇرانىس بولماعاندىقتان, اكۆاپونيكالىق جىلىجاي كەشەنىن سالۋ جانە كەڭەيتۋ بويىنشا شىعىنداردى سۋبسيديالاۋ جويىلادى.
«ىقم ءۇشىن قولدانىستاعى بورداقىلاۋ الاڭدارىنىڭ تولتىرىلۋىنىڭ ورتاشا دەڭگەيى شامامەن 40% قۇرايتىنىن ەسكەرە وتىرىپ, جاڭا الاڭداردى سالۋعا سۋبسيديالاۋدى الىپ تاستاۋ, ال قاراجاتتى قولدانىستاعى بورداقىلاۋ الاڭدارىن تەحنيكالىق جانە تەحنولوگيالىق قايتا جاراقتاندىرۋعا قايتا باعىتتاۋ ۇسىنىلادى», دەدى ۆيتسە-مينيستر.
مەملەكەت باسشىسىنىڭ باستاپقى تۇقىم شارۋاشىلىعىن, سونداي-اق قىزىلشا شارۋاشىلىعىن دامىتۋ جونىندەگى تاپسىرماسىن ىسكە اسىرۋ ءۇشىن ارنايى تۇقىم شارۋاشىلىعىن سۋبسيديالاۋ نورماتيۆتەرى 80%-عا دەيىن جانە قىزىلشا تەحنيكاسى 50%-عا دەيىن ارتتىرىلادى.
جىلىجاي كوكونىستەرىن ءوندىرۋدى ۇلعايتۋ ءۇشىن جىلىجاي كەشەندەرىن سالۋ مەن كەڭەيتۋگە وتەماقى ۇلەسى 25%-دان 30%-عا دەيىن ۇلعايادى, بۇل ماۋسىمارالىق كەزەڭدە ازىق-ت ۇلىك قاۋىپسىزدىگىن قامتاماسىز ەتۋگە مۇمكىندىك بەرەدى جانە كوكونىس باعاسىن تۇراقتاندىرۋعا كومەكتەسەدى. سونداي-اق جەمىس-جيدەك داقىلدارى مەن ءجۇزىم وتىرعىزۋ بويىنشا ينۆەستيتسيالىق سالىمداردى وتەۋ ۇلەسىن 25%-دان 40%-عا دەيىن ۇلعايتۋ تۋرالى شەشىم قابىلداندى.
كوكونىس قويمالارىن قۇرۋعا جانە جاڭعىرتۋعا ينۆەستيتسيالاردى تارتۋ ماقساتىندا توڭازىتقىش جابدىعى ءۇشىن 50%, جەلدەتۋ جابدىعى ءۇشىن 40% بولە وتىرىپ, ينۆەستيتسيالاردى وتەۋ ۇلەسى ۇلعايتىلادى.
«مال شارۋاشىلىعىن سۋبسيديالاۋ شەڭبەرىندە سىبايلاس جەمقورلىقتىڭ نەعۇرلىم كىشى تۇرلەرىن جويۋ ۇسىنىلادى. اتاپ ايتقاندا, اسىل تۇقىمدى مالدى ساتىپ الۋ كەزىندە سۋبسيديالاردى اۆانستىق تولەممەن تولەۋدەن باس تارتۋ جوسپارلانىپ وتىر. تۇقىمدىق بۇقالار مەن قوشقارلاردى جالعا الۋدى سۋبسيديالاۋ, تۇقىمدىق تەگىنە سايكەس كەلەتىن ءىرى قارا مالدىڭ يمپورتتالعان انالىق باسىن ساتىپ الۋ جويىلادى», دەپ اتاپ ءوتتى رۇستەم قۇرمانوۆ.
سونداي-اق الەۋمەتتىك ماڭىزى بار ازىق-ت ۇلىك تاۋارلارىنا جاتپايتىندىقتان كۇركەتاۋىق ەتى مەن سۋدا جۇزەتىن قۇستاردى سۋبسيديالاۋ توقتاتىلادى.
وسىمدىك شارۋاشىلىعىندا وزگەرىستەر قانت سالاسىنا اسەر ەتەدى. قانت قىزىلشاسىن ءوندىرۋ ءنورماتيۆى تونناسىنا 15 مىڭ تەڭگەدەن 25 مىڭ تەڭگەگە دەيىن ارتادى.
سۋبسيديالاۋ تيىمدىلىگىن ارتتىراتىن جاڭاشىلدىق - 2024 جىلدان باستاپ سۋبسيديا الۋشىلار ءۇشىن پيلوتتىق رەجيمدە قارسى مىندەتتەمەلەردى ەنگىزۋ بولىپ تابىلادى. فەرمەرلەر ءوز ونىمدەرىن ىشكى نارىققا نارىقتىق قۇنى بويىنشا ساتۋى كەرەك.
اشم مالىمەتىنشە, اتالعان سۋبسيديالاۋ قاعيدالارىنىڭ بارلىق جوبالارى مەملەكەتتىك ورگانداردا كەلىسىلەدى جانە جاقىن ارادا بەكىتىلەدى.
