جيىنعا قاتىسقان وقۋ-اعارتۋ ۆيتسە-ءمينيسترى ەدىل وسپان ۇلتتىق جوبا اياسىندا قاي كوزدەردەن قانشا قاراجات جۇمسالاتىنىن ايتتى.
«ۇلتتىق جوبا اياسىندا اپاتتى مەكتەپتەردى, ءۇش اۋىسىمدى وقىتۋدى جانە مەكتەپتەر تاپشىلىعىن بولدىرماۋ ءۇشىن 401 جايلى مەكتەپ سالىنادى. ونىڭ ىشىندە 226 مەكتەپ 2024 جىلى ىسكە قوسىلادى. قالعان 175-ءى 2025 جىلدىڭ اياعىنا دەيىن ىسكە قوسىلادى دەپ جوسپارلانۋدا», دەدى ول.
سونداي-اق ەدىل وسپان ۇلتتىق جوبانى ىسكە اسىرۋ ءۇشىن 2023-2025 جىلدار ارالىعىندا رەسپۋبليكالىق بيۋدجەت پەن ۇلتتىق قوردان 2,6 ترلن تەڭگە كوزدەلگەنىن ەسكە سالدى.
«ونىڭ ىشىندە قۇرىلىس جۇمىستارىنا 1 ترلن 360 ملن تەڭگە قاراستىرىلعان. اتاپ ايتساق, 2023 جىلى 0,5 ترلن تەڭگە, 2024 جىلى 1,1 ترلن تەڭگە, 2025 جىلى 1 ترلن تەڭگە يگەرىلەدى. ونىڭ سىرتىندا مەكتەپتەردى كۇتىپ ۇستاۋعا 200 ملرد تەڭگە قاراستىرىلعان», دەدى ە. وسپان.
