كورەيا بۇگىندە عىلىم جانە وزىق تەحنولوگيالار ينستيتۋتى QS World University Rankings-2023 الەمدىك رەيتينگىندە 42-ءشى ورىندا تۇر. KAIST Samsung, Naro عارىش ورتالىعى جانە كورەيالىق تەحنولوگيا الپاۋىتتارى ءۇشىن ماماندار دايارلايدى, عىلىمي زەرتتەۋلەر جۇرگىزەدى.
IoT (Internet of Things) جۇيەلەرى بويىنشا قازاقستاندىق عالىمدارمەن بىرلەسكەن زەرتتەۋلەر اۋقىمىن انىقتاۋ ماقساتىندا قازاقستانعا كەلگەن كورەيالىق مامان KAIST-ءتىڭ جاساندى ينتەللەكت, روبوتوتەحنيكا جانە كيبەرقاۋىپسىزدىك سالاسىنداعى سوڭعى جاڭالىقتارى تۋرالى ايتتى. ول سونداي-اق باعدارلامالاۋ جانە جاساندى ينتەللەكتتى دامىتۋ بويىنشا تاجىريبەلىك سەمينارلار وتكىزدى, قاتىسۋشىلار جاڭا داعدىلار مەن ءبىلىم الۋعا مۇمكىندىك الدى.
ءىس-شارا بارىسىندا رەكتور ءىس-شارانىڭ ماڭىزدىلىعىن ايتا كەلە, دامىعان ەلدەردىڭ ەكونوميكالىق ورلەۋىنىڭ نەگىزى تەحنولوگيالىق دامۋ ەكەنىنە توقتالدى.
«اقش, وڭتۇستىك كورەيا جانە جاپونيا سياقتى مەملەكەتتەردىڭ تاجىريبەسىن پايدالانا وتىرىپ, قازاقستان ءوزىنىڭ تەحنولوگيالىق دامۋىندا دايەكتى قادامدار جاساۋدا. دەگەنمەن, ءبىرىنشى كەزەكتەگى ماسەلە وسى سالالارداعى مامانداردىڭ ايتارلىقتاي تاپشىلىعى بولىپ وتىر. سوندىقتان ءبىز روبوتوتەحنيكا سالاسىنا جانە وقۋ ۇدەرىسىنە STEM جۇيەسىن ەنگىزۋگە ۇلكەن كوڭىل بولۋگە تىرىسامىز», دەدى د.ءبىلالوۆ.
سەمينار بارىسىندا ەلىمىزدەگى مەكتەپتەردە روبوتوتەحنيكا مەن STEM-ءدى وقىتۋدا ءۇش نەگىزگى ماسەلە تۇرعانى اتاپ ءوتىلدى: ساپالى وقۋ باعدارلاماسىنىڭ جوقتىعى; ساپالى وقۋ باعدارلاماسىن جەتكىزەتىن مۇعالىمدەردىڭ جەتىسپەۋشىلىگى; وقۋ ماتەريالدارىنىڭ قىمباتتىعى مەن قولجەتىمسىزدىگى. بۇل workshop ستۋدەنتتەر مەن وقىتۋشىلار ءۇشىن وتە پايدالى بولدى.
دارحان ءبىلالوۆ پروفەسسور نو كۆانسۋعا, ۇيىمداستىرۋشىلار Elite Education Group International باس مەنەدجەرى دجون كيمگە, «Elite Education Group Kazakhstan» جشس ديرەكتورى تالعات يگىسىنوۆكە, اباي ۋنيۆەرسيتەتىنىڭ اباي ۋنيۆەرسيتەتىنىڭ KazDual وبسەرۆاتورياسىنا العىسىن ءبىلدىرىپ, مۇنداي شارالار ۋنيۆەرسيتەتتىڭ جانە ستۋدەنتتەردىڭ عىلىمي الەۋەتىن دامىتۋعا زور ىقپال ەتەتىندىگىن اتاپ ءوتتى.
ءىس-شاراعا قاتىسۋشىلار workshop تۋرالى وڭ پىكىرلەرىن ءبىلدىردى جانە ونىڭ بولاشاق عىلىمي جانە كاسىبي ماڭىزدىلىعىن اتاپ ءوتتى.
الماتى
