«ستراتەگيالىق نىساندار» ۇعىمىن ايقىنداۋ ءتاسىلىن قايتا قاراۋ قاجەت. بالكىم, ايماقتىق ماڭىزى بار ستراتەگيالىق نىسان ۇعىمىن ەنگىزۋ كەرەك شىعار. بۇل – الەمدىك تاجىريبە. ءبارىن ويلانباي وزگەرتە بەرۋ ەكونوميكالىق قاۋىپسىزدىككە نۇقسان كەلتىرۋى مۇمكىن. قازىرگى گەوساياسي جاعدايدا بۇل ماسەلەنىڭ وزەكتىلىگى ءتىپتى ارتا ءتۇستى.
قازاقستان سالماقتى جانە دەربەس ەكونوميكالىق ساياسات جۇرگىزۋى كەرەك. قوعامدىق رەسۋرستار قولجەتىمدى بولۋى ءۇشىن اشىق اۋكتسيون قاعيداتتارىن باسشىلىققا الۋ قاجەت. بيزنەس وكىلدەرى بارلىق مىندەتتەمەلەرىن ادال ورىنداۋ ءۇشىن ءتيىمدى باقىلاۋ جۇيەسىن ورناتۋ كەرەك», دەدى قاسىم-جومارت كەمەل ۇلى.
پرەزيدەنت ەكونوميكانى مونوپوليادان ارىلتۋ تۋرالى ءجيى ايتادى. بۇگىن دە وسى ماسەلەگە توقتالىپ, اكتيۆتەردى ەلگە قايتارۋ جۇمىستارىن تازا جۇرگىزۋدى ءارى ولاردىڭ قايتادان بىرەۋدىڭ قالتاسىنا تۇسپەۋىن قاداعالاۋدى تاپسىردى.
«مونوپوليستەرگە قارسى قوزعالعان ىستەر بويىنشا ساپالى جۇمىس اتقارىلۋعا ءتيىس. ول ءۇشىن قازىلاردىڭ بىلىكتى بولۋى اسا ماڭىزدى. قازىر زاڭسىز شىعارىلعان اكتيۆتەردى مەملەكەتكە قايتارۋ جۇمىسى جاندانا ءتۇستى. قايتارىلعان اكتيۆتەر مەن م ۇلىكتەر قولدى بولىپ كەتپەۋى كەرەك», دەدى ول.
