«قازاقستان – وسى گەوساياسي ايماقتا اۋقىمدى, دەموكراتيانى ارقاۋ ەتكەن رەفورمالار جولىنا تۇسكەن بىردەن-ءبىر مەملەكەت. سوندىقتان بىزگە وڭاي بولمايدى. بىراق بۇل جولدى قالايدا ءجۇرىپ وتۋگە ءتيىسپىز. ەندى جۇمىسقا جۇمىلا كىرىسەمىز.
وسىندا وتىرعان ءاربىر مەملەكەتتىك قىزمەتشى وزىنە وراسان زور مىندەت جۇكتەلىپ وتىرعانىن سەزىنۋگە ءتيىس. بۇل – ەڭ الدىمەن, بارشا قازاقستان حالقىنىڭ الدىنداعى جاۋاپكەرشىلىك. سىزدەردىڭ شەشىمدەرىڭىز بەن ءىس-ارەكەتتەرىڭىز ەلدىڭ بۇگىنى مەن بولاشاعىنا تىكەلەي اسەر ەتەدى. سوندىقتان كۇندەلىكتى ماسەلەلەردى شۇعىل شەشۋمەن عانا شەكتەلمەۋ كەرەك.
سىزدەر مەملەكەتشىل-رەفورماتور بولۋلارىڭىز قاجەت. رەفورمالارىمىزدىڭ تۇپكى ماقساتى – حالىقتىڭ ءومىرىن جاقسارتۋ. ول ءۇشىن تۇرعىنداردىڭ تابىسىن كوبەيتۋ كەرەك. جايلى ءومىر سۇرۋىنە جاعداي جاساپ, قاۋىپسىزدىگىن قامتاماسىز ەتۋ قاجەت. ازاماتتاردىڭ ءوزىن-ءوزى دامىتۋىنا بارلىق مۇمكىندىك جاسالۋعا ءتيىس. مۇنىڭ ءبارىن مىقتى نارىقتىق ەكونوميكا بولسا عانا, تابىستى جۇزەگە اسىرا الامىز», دەدى پرەزيدەنت.
مەملەكەت باسشىسىنىڭ ايتۋىنشا, ازاماتتاردىڭ قاجەتتىلىكتەرىن قامتاماسىز ەتۋگە باعىتتالعان شىنايى نارىقتىق ەكونوميكاعا كوشۋ قاجەت. سوندىقتان الدىمىزدا كۇردەلى كەزەڭ تۇر.
ء«بىز قيىن-قىستاۋ زاماندا ءومىر ءسۇرىپ جاتىرمىز. ءداستۇرلى ەكونوميكالىق جانە لوگيستيكالىق بايلانىستار ءۇزىلىپ جاتىر. وعان قوسا ينفلياتسيا شارىقتاپ تۇر. الەم ەكونوميكاسىنىڭ دامۋ قارقىنى تومەندەپ كەتتى. مەملەكەتتەر قارىزعا بەلشەدەن باتتى. ساۋدا-ساتتىققا كەدەرگى كوبەيەدى. سونداي-اق ەلدەردىڭ ءوزارا سەنىمى ازايىپ بارادى. مۇنىڭ ءبارى الەم ەكونوميكاسىنداعى قالىپتى جاعدايعا اينالدى. بۇدان بىلاي تابيعي بايلىق ەلىمىزدىڭ ورنىقتى دامۋىنا نەگىز بولا المايدى», دەدى ق.توقاەۆ.
