«102» ارناسىنا ەلوردانىڭ 36 جاستاعى تۇرعىنىنان ونى جۇبايى ۇرىپ-سوققانى تۋرالى حابارلاما كەلىپ ءتۇستى.
42 جاستاعى ەر ادام ۇيىندە كامەلەتكە تولماعان ەكى بالانىڭ كوزىنشە جۇبايىنا قاتىستى بالاعات سوزدەر ايتىپ, ونىڭ ار-نامىسىن قورلاپ, ونى ۇرىپ-سوققانى انىقتالدى. بەلگىلى بولعانداي, بۇل ەر ادامنىڭ جۇبايىنا ءبىرىنشى رەت قول كوتەرۋى ەمەس.
اتالعان دەرەك بويىنشا قۇقىق بۇزۋشىعا قاتىستى قر اقبتك-ءنىڭ 732-بابى بويىنشا اكىمشىلىك حاتتاما تولتىرىلدى. اكىمشىلىك قۇقىق بۇزۋشىلىق جونىندەگى مامانداندىرىلعان اۋدانارالىق سوتتىڭ شەشىمىمەن ەر ادام 10 تاۋلىك مەرزىمگە اكىمشىلىك قاماۋعا الىندى.
