جۋىردا قالالىق وفيتسەرلەر ۇيىندە ونىڭ قورىتىندىسى شىعارىلدى. كونكۋرسقا 30 مۇراجاي قاتىستى. سولاردىڭ ءبارى سەمەيلىكتەردىڭ مايدانداعى جانە تىلداعى تەڭدەسى جوق ەرلىكتەرى مەن قاجىرلى ەڭبەكتەرى جونىندە مول ماعلۇماتتار جيناعانى بىردەن اڭعارىلىپ تۇردى. سولاردىڭ ىشىنەن جوعارى وقۋ ورىندارى بويىنشا مەديتسينا اكادەمياسىنداعى مانشۇك مامەتوۆا مۇراجايى, ال كوللەدجدەر اراسىندا گەولوگيالىق بارلاۋ جانە كولىك كوللەدجىنىڭ, ورتا ءبىلىم وردالارى بويىنشا №30, 29, 43 مەكتەپتەردىڭ مۇراجايلارى جەڭىمپاز اتاندى. سونداي-اق, بىرقاتار قوعامدىق ۇيىمدار مەن مەكەمە, كاسىپورىندارداعى جاۋىنگەرلىك داڭق مۇراجايلارىنىڭ يگى جۇمىستارى دا اتاپ ءوتىلدى. جەڭىمپاز مۇراجايلار باعالى سىيلىقتارعا يە بولدى.
داۋلەت سەيسەن ۇلى. سەمەي.
“ەلدءىڭ كوركءى — ەلىمەن, وتان كوركءى — جەرىمەن”. وتكەن جۇما كۇنى “نۇر وتان” حدپ وبلىستىق فيليالىنىڭ جەتەكشىلەرى وڭىردە “ەلدىڭ كوركى – ەلىمەن, وتان كوركى – جەرىمەن” اتتى اكتسيانىڭ باستالعانىن حابارلادى. اكتسيا اياسىندا اۋدان, قالا ورتالىقتارىنان باستاپ شاعىن ەلدى مەكەندەرگە دەيىن كوگالداندىرۋ, كورىكتەندىرۋ جۇمىستارى قولعا الىنباق. ول جۇمىستار “ەڭ كوركەم اۋىل”, “ەڭ كوركەم كوشە” جانە “سيقىرلى ساياباق” سياقتى بايقاۋلارعا ۇلاسپاق. قازاقستان رەسپۋبليكاسىنىڭ 20 جىلدىعىنا دەيىن جالعاساتىن اكتسيانىڭ قورىتىندىسى تاۋەلسىزدىك كۇنى قارساڭىندا شىعارىلىپ وتىرماقشى. تارازدىق جاسوتاندىقتار يگى ءىستى قاراحان مازارى ماڭىنداعى اسەم باۋ مەن “جەڭىس” ساياباعىنان باستايتىندارىن جەتكىزدى.
كوسەمءالءى سءاتتءىباي ۇلى. جامبىل وبلىسى.
ارناۋلى انگە بايقاۋ جاريالاندى. بۇل كۇندە كەنشىلەر شاھارىندا “بىزدەر – قاراعاندىلىقتار” فەستيۆالى ءوتىپ جاتىر. وسى شارا اياسىندا “قاراعاندى, ساعان ارنايمىز ءانىمىزدى” بايقاۋى جاريالاندى. ونىڭ نەگىزگى تالابى بويىنشا قالا تۋرالى ءان تاڭدالىپ الىنادى. بۇعان باستاماشى بولۋشىلاردىڭ ءبىرى ءاليا شوشاقوۆانىڭ ۇيىمداستىرۋىمەن جەرگىلىكتى تەلە جانە راديو ارنالار ارقىلى اتالعان تاقىرىپقا ارنالعان اندەر جۇرتشىلىققا تانىستىرىلۋدا. بايقاۋ قورىتىندىسى 10 ماۋسىمدا شىعارىلادى. قالا تۇرعىندارىنىڭ قاتىسۋىمەن تاڭدالعان ءان الداعى ۇلكەن مەرەكەلىك شارالاردىڭ بىرىندە شىرقالادى. ول قالا ءانۇرانىنا اينالادى. ءسوزىن جازۋشى مەن ءانىن شىعارۋشىعا جانە العاش ورىنداۋشىعا ارنالعان جۇلدە جەڭىمپازدارىن كۇتىپ تۇر.
ايقىن نەسءىپباي. قاراعاندى.
اۋە جولى قاتىناسى قايتا ورنادى. سارسەنبىنىڭ ساتىندەگى تاڭعى ساعات 4.55-تە قوستانايعا ماسكەۋدەن “بوينگ-737” جولاۋشىلار ۇشاعى كەلىپ قوندى. بۇل قوستانايلىقتاردىڭ ەكى جىلدان بەرى كۇتكەن قۋانىشى ەدى. رەسەي استاناسىمەن قوستانايدىڭ اراسىن ءۇش-اق ساعات ەتىپ جالعاعان “ترانساەرو” اۆياكومپانياسى باسشىلارىنىڭ ايتۋىنشا, جولاۋشىلار ۇشاعى تەك ناۋقاندىق ەمەس, ەكى ورتاعا جىل بويى قاتىنايتىن بولادى. تاڭەرتەڭگى ساعات 6.15-تە قايتا ۇشىپ كەتەتىن ۇشاق ماسكەۋگە قولايلى كەزدە جەتەدى. جولاۋشىلار رەسەيدىڭ وزگە قالالارى مەن ەۋروپاعا, ازياعا ۇشاتىن ۇشاقتارعا ەركىن ۇلگەرەدى. ەكى جىل ۇزىلىستەن كەيىنگى العاشقى جولاۋشىلار ۇشاعىن اەروپورتتا وبلىس اكىمىنىڭ ورىنباسارى ۆيكتور مەيستەر كۇتىپ الىپ, “ترانساەرو” كومپانياسىنىڭ ديرەكتورى دميتري ەرزاكوۆيچكە حالقىمىزدىڭ داستۇرىمەن سىي-سياپات جاسادى. جولاۋشى ۇشاعى قوستانايعا سارسەنبى, جەكسەنبى كۇندەرى قاتىنايدى.
نءازيرا جءارىمبەتوۆا. قوستاناي.
الىستى جاقىنداتقان گەرمانيا. تالدىقورعان قالاسىنداعى ساكەن سەيفۋللين اتىنداعى امبەباپ كىتاپحانادا گەرمانيانىڭ قازاقستانداعى جىلىنا وراي “الىستى جاقىنداتقان گەرمانيا” اتتى ادەبي كەش ۇيىمداستىرىلدى. كەشتە “ۆيدەربۋرگ” قوعامىنىڭ وكىلى ليۋدميلا يتەرمان گەرمانيانىڭ كەشەگىسى مەن بۇگىنى جايلى سىر شەرتكەن مازمۇندى اڭگىمەسىن بەينەبايان ماتەريالدارىمەن تولىقتىردى. “ارداگەر اجەلەر” ءانسامبلى ەكى ەل اراسىنداعى جاراسىمدى رۋحاني جالعاستىقتى اباي مەن گەتەنىڭ ۇندەستىگىنەن تاباتىن شىعارمالارمەن ايشىقتادى. حالىقتىڭ رۋحاني جاعىنان شىڭدالۋىنا باعىتتالعان باسقا دا ماسەلەلەر جالعاسىن تاۋىپ, ۇلتارالىق تاتۋلىق پەن حالىقتار دوستىعىن نىعايتۋ جانە وسى سەزىمدەردى جاس ۇرپاقتىڭ جۇرەگىنە ۇيالاتۋ باعىتىنداعى شارالاردان وقىرماندار ادەمى اسەر الدى.
كءۇمءىسجان بايجان. الماتى وبلىسى.
چەمپيوندارعا قۇرمەت كورسەتءىلدءى. وسىدان بىرەر اي بۇرىن وسكەمەندە قىسقى سپورت تۇرلەرىنەن ەلىمىزدەگى جوعارى وقۋ ورىندارى اراسىندا ۋنيۆەرسيادانىڭ اياقتالعانى بەلگىلى. وندا بەيبىت مامراەۆ جەتەكشىلىك ەتەتىن س.امانجولوۆ اتىنداعى شىعىس قازاقستان مەملەكەتتىك ۋنيۆەرسيتەتىنىڭ ستۋدەنتتەرى 32 جوعارى وقۋ ورىندارى اراسىندا قارا ءۇزىپ, توپ جارعان-تىن. اتاپ ايتقاندا, ولار 63 التىن, 16 قولا مەدالدى جەڭىپ العان ەدى. جەڭىمپازداردى ماراپاتتاۋ ءراسىمى ءوتتى. ۆانكۋۆەردە ەكى بىردەي بەسىنشى ورىندى جەڭىپ العان ا.پولتورانين, اتالمىش وقۋ ورنىنىڭ تۇلەكتەرى ر.ساۆيتسكي, س.چەرەپانوۆ, ي.زاكۋرداەۆ, تاعى باسقالارعا التىن القا تاپسىرىلدى. الماتىدان كەلگەن ۇلتتىق ورتالىقتىڭ جاۋاپتى قىزمەتكەرى س.اۋباكىروۆ, ءبىرىنشى پرورەكتورى ع.ادىلعازينوۆ جەڭىمپازداردى ماراپاتتاپ, چەمپيوندار قۇرمەتىنە اننەن شاشۋ شاشىلدى.
وڭداسىن ەلۋباي. وسكەمەن.
“اقمولا جۇلدىزدارى” مارەگە جەتتءى. كوكشەتاۋدا توعىزىنشى رەت وتكىزىلگەن “اقمولا جۇلدىزدارى” حالىق شىعارماشىلىعى بايقاۋىنىڭ قورىتىندىسى شىعارىلدى. ۇلى جەڭىستىڭ 65 جىلدىعىنا ارنالعان اۋماقتىق ونەر سايىستارىنا ءتورت جاس پەن 80 جاس اراسىنداعى 34 مىڭعا جۋىق ادام قاتىستى. كورەرمەن جاڭادان قۇرىلعان 93 ۇجىم مەن ساحناعا ءبىرىنشى رەت شىققان 80 ءانشىنىڭ ۇمتىلىستارىن باعالاۋعا مۇمكىندىك الدى. سوڭعى توعىز جىلدا بايقاۋدىڭ ماراپاتتاۋ قورى دا ايتارلىقتاي ۇلعايدى. بۇل ءان مەن جىردىڭ ولكەسىندە كوپەتنوستى حالىقتىق ونەرگە ۇلكەن ماڭىز ارتىلاتىنىن بىلدىرەدى. ونى “گران-پري” جەڭىمپازدارى اتانعان ارشالى اۋدانى مەن “كوكشەتاۋ” مادەنيەت سارايى ۇجىمدارىنىڭ ارقايسىسىنا “گازەل” شاعىن اۆتوبۋستارى تاپسىرىلۋىنان اڭعارۋعا بولادى.
باقبەرگەن امالبەك. اقمولا وبلىسى.
