بولعان جاعدايدى ولجاس قالدىباەۆ Instagram-داعى پاراقشاسىندا بايانداپ, وقيعا ورنىنان بەينەماتەريال جۇكتەدى.
ونىڭ ايتۋىنشا, تاپانشا مەن مىلتىق ۇستاعان ءۇش جىگىت ونىڭ سومكەسىن تارتىپ العان. بىراق قازاق بالاسى ولاردىڭ ءبىرىن قۋىپ ءجۇرىپ ۇستاعان, كەيىن پوليتسەيلەردى كۇتكەن. سول مەزەتتە بارلىعىن ۆيدەوعا ءتۇسىرىپ الۋعا دا ۇلگەرگەن. سول كەزدە قاراقشىنىڭ ەكى دوسى قولدارىنا تاپانشا ۇستاپ, سىبايلاسىن بوساتۋ ءۇشىن قايتا ورالعان. ولار قازاق جىگىتىنە شابۋىل جاساعان. الايدا, ولجاس قالدىباەۆ قارسىلىق كورسەتىپ, قارۋدى تارتىپ العان. بىراق ۇرىلار قاشىپ كەتكەن.
كوپ ۇزاماي وقيعا ورنىنا پوليتسەيلەر دە كەلىپ جەتكەن. قاراقشىلاردى ىزدەۋگە 6 پوليتسيا كولىگى مەن تىكۇشاق جۇمىلدىرىلدى.
پوليتسەيلەردىڭ ءبىرىنىڭ سوزىنشە, قازاق جىگىتى قاراقشىلاردان تاپانشا پەن اۆتومات تارتىپ العان.
«مۇندايدى امەريكادا بۇعان دەيىن ەشكىم كورمەگەن», دەدى پوليتسيا قىزمەتكەرلەرى.
