ەگەر ءسىز «باسقا ادامنىڭ كرەديتىنىڭ» قۇربانى بولساڭىز, وندا ءبىرىنشى كەزەكتە, قارىز رەسىمدەلگەن كرەديتتىك ۇيىمنىڭ اتاۋىن ءبىلىپ الىڭىز, جانە وعان وتىنىشپەن جۇگىنىڭىز. اتىڭىزعا زاڭسىز كرەديت رەسىمدەلۋ فاكتىسىن كرەديتتىك تاريحتىڭ كومەگىمەن انىقتاۋعا بولادى, ونى توقسانىنا كەمىندە 1 رەتتەن كەم ەمەس ۇنەمى تەكسەرىپ تۇرۋ قاجەت. دەربەس كرەديتتىك ەسەپتى مەملەكەتتىك كرەديت بيۋرودان, ءبىرىنشى كرەديتتىك بيۋرودان, حقو-دان نەمەسە egov.kz پورتالى ارقىلى الۋعا بولادى.
كرەديتوردان مىندەتتى تۇردە ىشكى قىزمەتتىك رەتتەۋ جۇرگىزۋدى تالاپ ەتىڭىز. سونىمەن قاتار, كرەديتتىك ۇيىم سىزگە شارتتىڭ كوشىرمەلەرىن, وعان قوسىمشالاردى جانە جەكە باستى كۋالاندىراتىن قۇجاتتاردى, سونداي-اق اقشا اۋدارىلعان شوتتىڭ دەرەكتەمەلەرىن ۇسىنۋعا ءتيىس. سىزگە كرەديت بەرگەن جانە شارتتى رەسىمدەگەن قىزمەتكەردىڭ دەرەكتەرىن ناقتىلاۋ قاجەت.
ءوتىنىشتى قۇقىق قورعاۋ ورگانىنا دا بەرۋ قاجەت. ءسىزدىڭ وتىنىشتەرىڭىز تىركەلۋگە ءتيىس, ءوتىنىشتى قابىلداۋ كۇنى كورسەتىلگەن تىركەۋ ءنومىرى ءسىز وزىڭىزگە قالدىراتىن ءوتىنىشتىڭ كوشىرمەسىنە دە قويىلۋعا ءتيىس.
كرەديتتىك ۇيىم قۇجاتتار ۇسىنۋدان باس تارتقان جاعدايدا, ءسىز قر قارجى نارىعىن رەتتەۋ جانە دامىتۋ اگەنتتىگىنە شاعىم بەرە الاسىز.
ەگەر كرەديتتىك ۇيىم اقشانى ءسىزدىڭ جەكە كۋالىگىڭىز بويىنشا الاياقتاردىڭ العانىنا دالەل تابا الماسا, تۇرعىلىقتى مەكەنجايىڭىز بويىنشا سوتقا مامىلەنى جارامسىز دەپ تانۋ تۋرالى شاعىم-تالاپ بەرۋ قاجەت. سوت شەشىمدى ءسىزدىڭ پايداڭىزعا شىعارعان جاعدايدا, كرەديتتىك ۇيىم:
- سىزدەن بورىشتى تولەۋدى تالاپ ەتۋدى توقتاتۋعا;
- بەرەشەكتى ەسەپتەن شىعارۋعا;
- كرەديتتىك بيۋروعا ءسىزدىڭ كرەديتتىك تاريحىڭىزدان باسقا ادامنىڭ قارىزى بويىنشا اقپاراتتى الىپ تاستاۋ جونىندە حات جولداۋعا ءتيىس.
