«تازا سالماعى - 356 كگ بولاتىن 54 449 دانا «تاعامعا بيولوگيالىق بەلسەندى قوسپا» دەگەن اتپەن دايىن دارىلىك زاتتاردىڭ پارتياسىن (تابلەتكا تۇرىندە) ەنگىزۋگە تىرىستى», دەپ حابارلادى الماتى قالاسى بويىنشا مەملەكەتتىك كىرىستەر دەپارتامەنتىنىڭ ءباسپاسوز قىزمەتى.
كەدەندىك ساراپتاما ناتيجەسىندە تاۋار «دارىلىك زات» بولىپ تابىلاتىنى جانە تەراپەۆتىك ماقساتتاردا پايدالانۋعا ارنالعانى انىقتالدى. ول دوزالانعان دارىلىك فورمادا بولشەك ساۋداعا ارنالىپ ورالعان.
جۇرگىزىلگەن ەسەپتەۋلەرگە سايكەس تاۋارلاردىڭ كەدەندىك قۇنى 43,4 ميلليون تەڭگەنى, ال بيۋدجەتكە كەلتىرىلگەن شىعىن سوماسى 5,2 ميلليون تەڭگەنى قۇرادى.
سىرتقى ەكونوميكالىق قىزمەتكە قاتىسۋشىنىڭ ءىس-ارەكەتىندە قازاقستان رەسپۋبليكاسىنىڭ قىلمىستىق كودەكسiنىڭ 234-بابىندا كوزدەلگەن «ەكونوميكالىق كونتراباندا» بۇزۋشىلىق بەلگىلەرى بايقالادى, وسىعان بايلانىستى ماتەريال شەشىم قابىلداۋ ءۇشىن الماتى قالاسى بويىنشا ەكونوميكالىق تەرگەۋ دەپارتامەنتىنە جولداندى.
2023 جىلدىڭ باسىنان باستاپ دەپارتامەنت كەدەندىك تەكسەرۋ ناتيجەلەرى بويىنشا كەدەن زاڭناماسىن بۇزۋدىڭ 780 فاكتىسىن انىقتادى, ايىپپۇل سوماسى 6,4 ميلليون تەڭگەنى قۇرادى, قوسىمشا 82,2 ميلليون تەڭگەگە كەدەندىك تولەمدەر مەن سالىقتار ەسەپتەلىپ, ءوندىرىلدى.
