تەمەكى تاۋەلدىلىگىنەن ارىلۋعا كومەكتەسەتىن قوسىمشا پايدا بولادى

«جوبانىڭ ماقساتى – سالاۋاتتى ءومىر سالتى قىزمەتىن دامىتۋ بويىنشا قويىلعان ءىس-شارالاردى ىسكە اسىرۋ. بۇل - سالاۋاتتى ءومىر سالتىن ۇستاناتىن ادامداردىڭ ۇلەسىن ارتتىرۋعا, مىنەز-ق ۇلىق قاۋىپ فاكتورلارىنىڭ (تەمەكى شەگۋ, سەمىزدىك) تارالۋىن ازايتۋعا, دەنساۋلىق ماسەلەلەرى بويىنشا حالىقتىڭ ساۋاتتىلىعىن ارتتىرۋعا, جۇقپالى ەمەس اۋرۋلاردان بولاتىن ءولىمدى ازايتۋعا جانە ءومىر ءسۇرۋ ۇزاقتىعىن ارتتىرۋعا مۇمكىندىك بەرەدى», دەپ كورسەتىلگەن «اشىق» نقا پورتالىندا جاريالانعان قۇجاتتا.

ۇسىنىلىپ وتىرعان جول كارتاسى نەگىزگى 9 باعىتتى قامتيدى:

1.دەنساۋلىقتىڭ پروفيلاكتيكاسى مەن قورعاۋ سالاسىنداعى زاڭنامانى جەتىلدىرۋ;

2.سالاۋاتتى جانە ۇتىمدى تاماقتانۋعا جاردەمدەسۋ;

3.دەنە بەلسەندىلىگى مەن سپورتتى دامىتۋ;

4.تەمەكى بۇيىمدارىن, الكوگول ءونىمىن جانە پبز تۇتىنۋدى قىسقارتۋ;

5.پسيحيكالىق جانە رەپرودۋكتيۆتى دەنساۋلىقتى قورعاۋ;

6.جاراقاتتانۋدى ازايتۋ;

7.عىلىمي-تالدامالىق سۇيەمەلدەۋ;

8.دۇنيەجۇزىلىك دەنساۋلىق ساقتاۋ ۇيىمىنىڭ جوبالارىن ىسكە اسىرۋ;

9.مەديتسينالىق-سانيتاريالىق العاشقى كومەك كورسەتۋ دەڭگەيىندە سالاۋاتتى ءومىر سالتىن قالىپتاستىرۋ.

قۇجاتتا جازىلعانداي, جوسپار بويىنشا مىنا جۇمىستار اتقارىلادى:

- قۇرامىندا قانت, ماي, تۇزى كوپ ونىمدەردى جارنامالاۋعا شەكتەۋلەر جونىندە ۇسىنىستار جاساۋ;

- پايدالى (قۇرامىندا تۇز, ماي, قانتى از) ۇلتتىق تاعامدارعا ارنالعان رەتسەپتىلەر كىتابىن ازىرلەۋ;

- 2 جاستان 6 جاسقا دەيىنگى بالالاردىڭ دۇرىس تاماقتانۋى بويىنشا ۇلتتىق ۇسىنىستاردى ازىرلەۋ;

- «سالاۋاتتى اسحانا», «سالاۋاتتى كافەتەريلەر», «سالاۋاتتى بيسترو», «سالاۋاتتى دۇكەندەر» اتتى دۇرىس تاماقتانۋ بويىنشا كاسىپورىندار جەلىسىن دامىتۋ (2023 جىل – 9 كاسىپورىن, 2024 جىل – 13 كاسىپورىن, 2025 جىل – 17 كاسىپورىن);

- باق-تا جانە الەۋمەتتىك جەلىلەردە جاريالاي وتىرىپ, قۇرامىندا قانتى بار سۋسىنداردى, قۇرامىندا تۇزى كوپ ونىمدەردى تۇتىنۋدى ازايتۋ بويىنشا حالىق اراسىندا اقپاراتتىق-ءتۇسىندىرۋ جۇمىسى جونىندەگى مەديا-جوسپاردى ازىرلەۋ;

- سالاۋاتتى ءومىر سالتىن قالىپتاستىرۋعا ارنالعان ە-ءسوس (ە-سالاۋاتتى ءومىر سالتى) ەلەكتروندىق پلاتفورماسىن جاساۋ;

- جالپى ءبىلىم بەرەتىن مەكتەپتەردە, ەڭبەك ۇجىمدارىندا جاتتىعۋلار كەشەنى باعدارلامالارىن ەنگىزۋ;

- تەمەكى شەگۋدەن باس تارتۋ جونىندە ءموبيلدى قوسىمشا ازىرلەۋ جانە ەنگىزۋ;

- دۇنيەجۇزىلىك دەنساۋلىق ساقتاۋ ۇيىمىنىڭ ء«سوЅى» باستاماسى شەڭبەرىندە بالالاردىڭ سەمىزدىگىن ەپيدەميولوگيالىق قاداعالاۋ بويىنشا ەپيدەميولوگيالىق زەرتتەۋ جۇرگىزۋ.

وسى جۇمىستاردى اتقارۋ شەڭبەرىندە تومەندەگى ناتيجەلەرگە قول جەتكىزۋ كوزدەلگەن:

- سالاۋاتتى ءومىر سالتىن ۇستاناتىن قازاقستان ازاماتتارىنىڭ ۇلەسىن 2025 جىلعا قاراي 30% دەيىن ۇلعايتۋ;

- قازاقستان حالقى اراسىندا 15 جاستان باستاپ تەمەكى شەگۋدىڭ تارالۋىن 2025 جىلعا قاراي 19% دەيىن تومەندەتۋ;

- بالالار اراسىندا (0-14 جاس) سەمىزدىكپەن اۋرۋشاڭدىقتى 2025 جىلعا قاراي 100 مىڭ حالىققا شاققاندا 90% دەيىن تومەندەتۋ;

- ازاماتتاردىڭ ءومىر ءسۇرۋ ۇزاقتىعىن 2020 جىلى 71,37 جاستان 2025 جىلى 75 جاسقا دەيىن ۇلعايتۋ.

جول كارتاسى 27 ساۋىرگە دەيىن كوپشىلىك تالقىلاۋدا بولادى.