«وتە جاقسى ويىنشىلار كوپ. كوپتەگەن سپورتشىلارمەن وتە قيىن كەزدەسۋلەر وتكىزدىم. جىل باسىنان بەرى ارينا سوبولەنكومەن وسىنداي تەكەتىرەس بولعان شىعار. بىراق كوپ ويىنشىلار بار, ولارمەن ويناۋ وڭاي ەمەس, بىراق سەنىڭ جەڭگىڭ كەلەدى. كرەيچيكوۆا وتە مىقتى ويىنشى, ەندى ونس دجابەر ورالدى, ول ءتۋرنيردى جاڭا عانا جەڭىپ الدى. يگا شۆەنتەك, ارينە», دەيدى ەلەنا رىباكينا.
ول سونداي-اق باسەكەلەستەر كوپ ەكەنىن جانە كوپ جۇمىس ىستەۋ كەرەك ەكەنىن ايتتى.
بۇگىن تاڭەرتەڭ مەملەكەت باسشىسى قاسىم-جومارت توقاەۆ تەننيسشى ەلەنا رىباكينانى قابىلدادى. قازاقستان پرەزيدەنتى ۋيمبلدون جەڭىمپازى ەلەنا رىباكينانى اۆستراليانىڭ اشىق چەمپيوناتىندا, ينديان-ۋەللس پەن ماياميدە كورسەتكەن تاماشا ونەرىمەن قۇتتىقتاپ, شەبەرلىگى مەن جەڭىسكە دەگەن مىزعىماس جىگەرى ءۇشىن العىس ايتتى. كەيىن ءباسپاسوز ءماسليحاتىندا قازاقستاندىق تەننيسشى مەملەكەت باسشىسى وعان ناقىشتالعان ساعات پەن ورامال سىيلاعانىن ايتتى.
ايتا كەتەيىك, الەمنىڭ جەتىنشى راكەتكاسى ەلەنا رىباكينا قازاقستانعا بيللي جان كينگ كۋبوگى اياسىندا پولشا قۇراماسىمەن كەزدەسۋگە كەلگەن بولاتىن.
بيللي جان كينگ كۋبوگىنىڭ فينالدىق كەزەڭىنە شىعۋ ءۇشىن قازاقستان - پولشا ماتچى ەلوردادا 14-15 ساۋىردە وتەدى. قازاقستان قۇراماسىنا رىباكينادان بولەك يۋليا پۋتينتسەۆا, اننا دانيلينا, گوزال اينيتدينوۆا, جانەل رۇستەموۆا جانە ارۋجان ساعىندىقوۆا دا ۇسىنىلدى.
