«قازىر زاڭناماعا وزگەرتۋلەر ەنگىزىلدى. لاستانۋ بويىنشا جىلىنا ەكى رەتتەن اسا بۇزۋشىلىق تىركەلگەن جاعدايدا, سول كاسىپورىننىڭ جۇمىسىن توقتاتۋ تۋرالى شەشىمدى تولىعىمەن قابىلداي الامىز. بىزدە مۇنداي قۇزىرەت بار», دەدى ەكولوگيالىق رەتتەۋ جانە باقىلاۋ كوميتەتى توراعاسىنىڭ مىندەتىن اتقارۋشى ايدار ابدۋاليەۆ.
ونىڭ ايتۋىنشا سوت اتىراۋ مۇناي وڭدەۋ زاۋىتىنان شىعارىندىلاردىڭ پايدالانۋعا بەرىلگەن ەكولوگيالىق رۇقساتتى ءبىر ايعا توقتاتقان. بىراق ەكىنشى ساتىداعى سوت وندىرىستە توتەنشە جاعدايدىڭ تۋىنداۋ قاۋپىن ازايتۋ ءۇشىن زاۋىتتىڭ توتەنشە جاعدايدا زاڭ بۇزۋشىلىققا جول بەرگەنىن العا تارتقان.
«قازىرگى ۋاقىتتا زاۋىتتا تەكسەرۋ ءجۇرىپ جاتىر. ونىڭ قورىتىندىسى بويىنشا باسقا دا زاڭ بۇزۋشىلىقتار انىقتالسا, زاۋىتتىڭ جۇمىسىن توقتاتۋ تۋرالى ماتەريالدار قايتادان سوتقا جولدانادى. تابيعاتتى قورعاۋ زاڭناماسىن بۇزعان باسقا كاسىپورىنداردى دا وسىنداي جازا كۇتىپ تۇر», دەپ تۇيىندەدى سپيكەر.
