وسى كۇنگە دەيىن التى جەرلەسىمىز اتالعان جارىستا باق سىناۋ قۇقىعىنا يە بولعان ەدى. ولار – كيريلل گەراسيمەنكو (جەكە جانە جۇپتىق سايىس), الان قۇرمانعاليەۆ (جۇپتىق سايىس), ايدوس كەنجەعۇلوۆ (ارالاس جۇپتىق سايىس), دەنيس جولۋدەۆ (جۇپتىق سايىس), ساعىنتاي قۇرمامباەۆ (جۇپتىق سايىس) جانە اناستاسيا لاۆروۆا (جۇپتىق سايىس). كۇنى كەشە ولاردىڭ قاتارى زاۋرەش اقاشەۆا (جەكە, جۇپتىق جانە ارالاس جۇپتار سايىسى) مەن سارۆينوز مىرقادىروۆا (جەكە سايىس) سىندى تاعى ەكى سپورتشىمەن تولىقتى.
سوڭعى رەت ۇستەل تەننيسىنەن الەم چەمپيوناتى 2021 جىلى جاپونيانىڭ وساكا قالاسىندا ۇيىمداستىرىلدى. سول جارىستا ساراپقا سالىنعان جەتى باس جۇلدەنىڭ بارلىعىن دا قىتاي قۇراما كومانداسىنىڭ مۇشەلەرى ولجالاعان ەدى. ال وزگە مەدالدار وڭتۇستىك كورەيا (1 كۇمىس+3 قولا), سولتۇستىك كورەيا (1 كۇمىس+1 قولا), بەلگيا (1 كۇمىس), تايپەي (2 قولا), جاپونيا (2 قولا) جانە شۆەتسياعا (1 قولا) بۇيىرعان-تىن.
