«عىلىمدى دامىتۋدىڭ جاڭا ۇلگىسىنە سايكەس ۇلتتىق عىلىم اكادەمياسىنىڭ ءرولى ەرەكشە بولادى. عىلىم اكادەمياسىنا جاقىندا پرەزيدەنت جانىنداعى ورگان مارتەبەسى بەرىلدى. ونى قارجىلاندىرۋ ماسەلەسى شەشىلدى. اكادەميكتەرگە ءومىر بويى ستيپەنديا تولەنەتىن بولدى», دەدى پرەزيدەنت.
سونداي-اق پرەزيدەنتتىڭ ايتۋىنشا, قازاقستاندا اكادەميكتەر تىم كوپ, الايدا كەيبىر اكادەميكتەردىڭ تازا عىلىمعا ەش قاتىسى دا جوق.
ء«بىر قاراعاندا, اكادەميك دەگەن اتى بار. بىراق عىلىمدى دامىتۋعا قوسقان ۇلەسىن ەشكىم بىلمەيدى. وسىنداي اكادەميكتەردىڭ عىلىمي ساپاسى دا, ولاردىڭ عىلىمعا قوسقان ۇلەسى دە كۇماندى. بۇل اكادەمياعا نۇقسان كەلتىرگەنى ءسوزسىز. سوندىقتان اكادەميانىڭ جاڭا باسشىلىعى وسى ماڭىزدى ماسەلەگە نازار اۋدارۋى كەرەك. عىلىم اكادەمياسىنىڭ بەدەلى, ابىرويى ءمىنسىز بولۋى قاجەت. ناعىز عالىم بولۋ – اكادەميك نە بولماسا دوكتور اتاعىنا يە بولۋ ەمەس, جان-دۇنيەڭمەن بەرىلىپ عىلىممەن اينالىسۋ, زەرتتەۋ جۇرگىزۋ ارقىلى قوعامعا, ەلگە پايداڭدى تيگىزۋ ەكەنىن نازاردا ۇستاۋ قاجەت. اكادەميانىڭ جۇمىسى تۇبەگەيلى وزگەرۋگە ءتيىس», دەدى توقاەۆ.
