«قازاقستان مۇسىلماندارى ءدىني باسقارماسى مەيىرىم مەن شاپاعات, بىرلىك پەن يگىلىك ايى بولعان قاسيەتتى رامازان ايى كەزىندە كيەلى ءال-قۇدىستاعى يسلام دىنىندەگى قاسيەتتى ءۇشىنشى مەكەن سانالاتىن ءال-اقسا مەشىتىندە بولعان قاقتىعىسقا الاڭداۋشىلىق بىلدىرەدى جانە كۇردەلى ماسەلەنىڭ وڭ شەشىمىن تابۋىن تىلەيدى», دەلىنگەن قمدب حابارلاماسىندا.
قمدب قاسيەتتى رامازان ايىندا اللانىڭ مەيىرىمىنەن ءۇمىت ەتىپ, مەشىتتە قۇلشىلىق جاساپ جاتقان مۇسىلمانداردى كۇشپەن قۋدالاپ, ولاردىڭ ءومىرى مەن دەنساۋلىعىنا زيان تيگىزىپ جاتقان تاراپتىڭ ءىس-ارەكەتىن قاتاڭ ايىپتادى.
«اللا تاعالا قاسيەتتى قۇراندا: «ق ۇلىن (مۇحاممەدتى) ءبىر تۇندە حارام مەشىتىنەن اينالاسىنا ءوزىمىز قۇت-بەرەكە دارىتقان اقسا مەشىتىنە كەيبىر ماڭىزدى بەلگىلەرىمىز بەن دالەلدەرىمىزدى كورسەتۋ ءۇشىن الىپ بارعان اللا – ءمىنسىز. ول – ساميع ء(بارىن ەستۋشى), باسير ء(بارىن دە كورۋشى)» («يسرا» سۇرەسى, 1-ايات) دەپ باياندايدى. بۇل ايات ءال-اقسا مەشىتىنىڭ مۇسىلمان الەمى ءۇشىن قانشالىقتى قاسيەتتى ءارى ارداقتى ەكەنىن ايعاقتايدى», دەلىنگەن قمدب تاراتقان حابارلامادا.
وسى رەتتە, ءدىني باسقارما ەلىمىزدەگى بارشا مۇسىلماندى قاسيەتتى ايدا قاسيەتتى مەكەننىڭ تىنىشتىعى مەن سول جەردەگى مۇسىلمان باۋىرلارىمىزدىڭ بەيبىت ءومىرى ءۇشىن دۇعا جاساۋعا شاقىردى.
«اللا تاعالا قاسيەتتى ءال-اقسانىڭ بەيبىتشىلىك پەن اماندىقتا بولۋىن ءناسىپ ەتسىن! راببىمىز جەر بەتىن ءتۇرلى ب ۇلىك پەن قانتوگىستەن ساقتاعاي! ءامين!», دەلىنگەن مالىمدەمەدە.
