پولشانىڭ ماقتانىشى يگا شۆەنتەك WTA رەيتينگىندە كوش باستاپ تۇر. ونى بەلورۋسسيالىق ارينا سوبولەنكو, امەريكالىق دجەسسيكا پەگۋلا, تۋنيستىك ونس جابەر جانە فرانتسيالىق كارولين گارسيا وكشەلەپ كەلەدى. قازاقستاننىڭ ءبىرىنشى راكەتكاسى ەلەنا رىباكينا سول بۇرىنعى سەگىزىنشى ورنىن ساقتاپ قالدى. بۇل – ەل قۇراما كومانداسى مۇشەلەرى اراسىنداعى ەڭ جاقسى ناتيجە. ەلەنا پۋتينتسەۆا 45-ساتىعا جايعاستى.
اتر رەيتينگىندە نەگىزگى باسەكەلەستىك سەربيانىڭ ساڭلاعى نوۆاك دجوكوۆيچ پەن يسپانيانىڭ اسا دارىندى ويىنشىسى كارلوس الكاراس اراسىندا ءوربىدى. ازىرگە دجوكوۆيچ دارا تۇر. ودان كەيىنگى ساتىلارعا گرەكيالىق ستەفانوس تسيتسيپاس, نورۆەگيالىق كاسپەر رۋد جانە رەسەيلىك دانيل مەدۆەدەۆ جايعاستى. وتانداستارىمىزدىڭ اراسىنان ەڭ ءتاۋىر كورسەتكىش الەكساندر بۋبليككە تيەسىلى. ول 53-ورىندى ەنشىلەگەن.
