استانادا ءوتىپ جاتقان ەركىن, گرەك-ريم جانە ايەلدەر كۇرەسىنەن ازيا چەمپيوناتىنىڭ اشىلۋ سالتاناتى ءوتتى.
تۋرنيرگە قازاقستان, قىتاي, جاپونيا, ءۇندىستان, موڭعوليا, يران, وڭتۇستىك كورەيا جانە تاعى دا باسقا 22 مەملەكەتتەن 400-گە جۋىق سپورتشى قاتىسادى.
شارانىڭ اشىلۋ سالتاناتىنا مادەنيەت جانە سپورت ءمينيسترى اسحات ورالوۆ قاتىسىپ, سپورتشىلارعا ساتتىلىك تىلەدى.
«چەمپيوناتتىڭ سالتاناتتى اشىلۋىنان كەيىن مەن ءبىزدىڭ قۇرامانىڭ جاتتىعۋىن كورىپ, سپورتشىلارىمىزبەن كەزدەستىم. سونىمەن قاتار تۋرنير جۇلدەگەرلەرىن ماراپاتتادىم. اتاپ ايتقاندا, بۇگىن گرەك-ريم كۇرەسىنەن بەس سالماق دارەجەسى بويىنشا جۇلدەگەرلەر انىقتالدى.
ءبىزدىڭ ەلىمىزدە كۇرەستىڭ قاي ءتۇرى بولسىن ەڭ تانىمال سپورت تۇرلەرىنىڭ ءبىرى سانالادى جانە وسى دەڭگەيدەگى جارىستار ونىڭ دامۋىنا ودان ءارى ىقپال ەتەدى. ءوز كەزەگىندە, مەملەكەت باسشىسى مەن ءبىزدىڭ مينيسترلىك جاستار مەن كاسىبي سپورتشىلار ءۇشىن كۇرەسپەن اينالىسۋعا بارلىق جاعدايدى جاسايدى. جاڭادان ۇيىرمەلەر, زالدار اشىپ, ءتۇرلى تۋرنيرلەر وتكىزەتىن بولادى. سولاردىڭ ءبىرى - ەلوردا تورىندە ءوتىپ جاتقان وسى ازيا بىرىنشىلىگى.
ەلىمىزدىڭ بالۋاندارىنا ازيا چەمپيوناتىندا جوعارى دەڭگەيدە ونەر كورسەتىپ, جەڭىس تۇعىرىنا كوتەرىلۋدى تىلەيمىن», دەدى مينيستر.
