ءتۋرنيردىڭ اشىلۋ كۇنى قازاقستاندىق بالۋانداردىڭ قورجىنى ءبىر كۇمىس جانە ءۇش قولا جۇلدەمەن تولىقتى. نۇرسۇلتان تۇرسىنوۆ 87 كەلى سالماقتا فينالعا شىققان جالعىز قازاق بالۋانى اتاندى. وكىنىشكە قاراي, كىلەم يەسى قازاقستان استاناسىندا چەمپيوندىق اتاعىن قورعاعان 2022 جىلعى ازيا چەمپيوناتىنىڭ جەڭىمپازى يراندىق ناسسەر گاسيم اليزادەدەن جەڭىلىپ قالدى.
55 كەلىگە دەيىنگى سالماقتا ءۇشىنشى ورىن ءۇشىن وتكەن بەلدەسۋدە قازاقستاندىق امانعالي بەكبولاتوۆ پەن سارداربەك كونۋشباەۆ (قىرعىزستان) كەزدەسىپ, بالۋانىمىز مىقتىراق بولىپ شىقتى – 9:0.
تاعى ەكى قولا مەدال 63 كەلى جانە 130 كەلى سالماق دارەجەسىندە كىلەم يەلەرىنە بۇيىردى. مۇحامەدالى مامىربەك پەن اۋىر سالماقتاعى ءالىمحان سىزدىقوۆ ەرەكشەلەندى.
ءساۋىردىڭ 10-ى كۇنى 2023 جىلعى ازيا چەمپيوناتىندا گرەك-ريم كۇرەسىنەن باسقا سالماق دارەجەلەرى بويىنشا الدىن الا بەلدەسۋلەر وتەدى.
