ۆيدەودا ەكى ادامنىڭ جەردە جاتقان جىگىتتى ۇرىپ جاتقانى كورسەتىلگەن. ولار جىگىتكە «ۇيىقتا» دەپ سوققى مەن تەپكىنىڭ استىنا الادى.
كەيىن ۆيدەو الەۋمەتتىك جەلىدەن ءوشىرىلدى.
ءتارتىپ ساقشىلارى وقيعا بيىل 6 ساۋىردە قازالى اۋدانىندا بولعانىن ايتتى.
«اۋداندىق اۋرۋحانادان كامەلەتكە تولماعان بالانىڭ ەمدەلىپ جاتقانى تۋرالى حابارلاما كەلىپ ءتۇستى, بۇل دەرەك قازالى اۋدانىنىڭ پوليتسيا بولىمىندە تىركەلدى.
ءجاسوسپىرىمنىڭ ايتۋىنشا, سول كۇنى ايتەكە بي كەنتىندەگى ءجالاڭتوس ءباھادۇر اتىنداعى ساياباقتا جاڭبىردان كەيىن تايعاق جولدا ابايسىزدا قۇلاپ قالعان. قازىر جىگىتتىڭ جاعدايى قاناعاتتانارلىق, جابىرلەنۋشى مەن اتا-اناسىنان شاعىم تۇسكەن جوق», دەدى قىزىلوردا وبلىسىنىڭ پوليتسيا دەپارتامەنتى وكىلدەرى.
سوعان قاراماستان ءتارتىپ ساقشىلارى الەۋمەتتىك جەلىدە قوسىمشا مونيتورينگ جۇرگىزىپ, ەكى كامەلەتكە تولماعان بالانىڭ بۇل ءجاسوسپىرىمدى سوققىعا جىققانىن انىقتادى.
«بۇل دەرەك قازالى اۋداندىق پوليتسيا ءبولىمىنىڭ سوتالدى تەرگەپ-تەكسەرۋدىڭ بىرىڭعاي تىزىلىمىنە قىلمىستىق كودەكستىڭ 293-بابىنىڭ 2-بولىگى «بۇزاقىلىق» بويىنشا تىركەلدى. قازىر تەرگەۋ امالدارى جۇرگىزىلىپ جاتىر. ءتيىستى ساراپتامالار تاعايىندالدى. كۇدىكتىلەر پوليتسيا بولىمىنە جەتكىزىلدى», دەدى ۆەدومستۆوداعىلار.
