Beeline, Eurasian Bank, Forte Bank, Halyk Bank, Home Credit Bank, Jusan Bank, Kaspi Bank, Kcell, Nurbank, Tele2/Altel, تسەنتر كرەديت بانكى, بانك VTB (قازاقستان) بىرلەسكەن مالىمدەمەسىندە كورسەتىلگەندەي, قارجىلاي الاياقتىقتىڭ جاڭا ءتۇرى پايدا بولعان.
قازاقستاندىقتاردى ىقتيمال قارجى شىعىنىنان قورعاۋ ءۇشىن بانكتەر مەن ۇيالى بايلانىس وپەراتورلارى الاياقتاردىڭ قالاي الدايتىنىن ايتىپ بەردى:
الاياق قازاقستان نەمەسە شەتەلدىك نومىردەن قوڭىراۋ شالىپ, ءوزىن بانك قىزمەتكەرى رەتىندە تانىستىرادى. ول تەلەفون بايلانىسىنىڭ قاۋىپسىز ەمەس ەكەنىن ايتىپ, WhatsApp نەمەسە باسقا مەسسەندجەرگە اۋىسۋدى ۇسىنادى.
مەسسەندجەردەگى چاتتا الاياق بانك قىزمەتكەرىنىڭ جالعان جەكە كۋالىگىنىڭ سۋرەتىن جىبەرەدى.
الاياق ء«سىزدىڭ قاراجاتىڭىزدى ۇرلاماق» دەپ مالىمدەپ, اقشاڭىزدى «قاۋىپسىز شوتقا» اۋدارۋعا كوندىرەدى. وسىدان كەيىن ول اقشامەن بىرگە جوعالادى.
«قازاقستان بانكتەرىنىڭ قىزمەتكەرلەرى تەلەفون ارقىلى سويلەسكەندە ەشقاشان باسقا شوتتارعا اقشا اۋدارۋدى ۇسىنبايتىنىن, قۇپيا سوزدەرىڭىز بەن كودتارىڭىزدى سۇرامايتىنىن رەسمي تۇردە مالىمدەيمىز. قازاقستان بانكتەرىنىڭ قىزمەتكەرلەرى ەشقاشان كليەنتتەرگە شەتەلدىك نومىرلەردەن قوڭىراۋ شالمايدى», دەلىنگەن بىرلەسكەن مالىمدەمەدە.
ادەتتە الاياقتار شەتەلدە بولادى. بۇرىن ولار ارنايى ينتەرنەت قىزمەتتەرىنىڭ كومەگىمەن شەتەلدىك تەلەفون ءنومىرىن قازاقشاعا اۋىستىراتىن. الايدا قازاقستاندىق ۇيالى بايلانىس وپەراتورلارى مۇنداي اۋىستىرۋ مۇمكىندىگىن شەكتەدى. وسىلايشا, الاياقتاردىڭ قازاقستاندىقتاردىڭ كەيپىن كورسەتۋى قيىنداپ كەتتى. سوندىقتان ولار شەتەلدىك نومىرلەردەن حابارلاسادى. ولار شەتەلدىك ءنومىردىڭ سەنىم تۋدىرمايتىنىن تۇسىنەدى. سوندىقتان ولار پروفيل سۋرەتىنە تانىمال بانكتىڭ لوگوتيپىن قويادى دا, مەسسەندجەردەگى «قاۋىپسىز چاتقا» ءوتۋدى ۇسىنادى.
- سونىمەن قاتار شابۋىلداۋشىلار الاياقتىقتىڭ بۇرىننان بەلگىلى تۇرلەرىن ءالى دە پايدالانىپ ءجۇر. ساق بولىڭىز!
- سويلەسۋدى دەرەۋ توقتاتىڭىز! (كۇدىكتى قوڭىراۋ تۋرالى حابارلاۋ جانە شوتتارىڭىزدىڭ قاۋىپسىز ەكەنىنە كوز جەتكىزۋ ءۇشىن بانكتىڭ بايلانىس ورتالىعىنا قوڭىراۋ شالۋعا بولادى.)
- ەشقاشان ەشكىمگە SMS حابارلامالارداعى قۇپيا كودتاردى, ينتەرنەت-بانكتەگى جەكە كابينەتىڭىزدەگى قۇپيا ءسوزدى ايتپاڭىز.
- قوڭىراۋ شالۋشىلاردىڭ ءوتىنىشى بويىنشا باسقا شوتتارعا اقشا اۋدارۋعا بولمايدى.
- ەشبىر جاعدايدا ولاردىڭ نۇسقاۋلارى بويىنشا بەلگىسىز ءموبيلدى قوسىمشالاردى جۇكتەپ الماڭىز.
- بەيتانىس ادامدار جىبەرگەن سىلتەمەنى اشپاڭىز.
«وسى قاراپايىم قاۋىپسىزدىك ەرەجەسى ءوزىڭىزدى الاياقتاردان قورعاۋعا جانە اقشاڭىزدى جوعالتپاۋعا كومەكتەسەدى», دەلىنگەن بىرلەسكەن مالىمدەمەدە.
بۇعان دەيىن الاياقتاردىڭ قازاقستان قور بيرجاسىنىڭ (KASE) جالعان سايتىن جاساعانى حابارلانعان ەدى.
